ଗଛ ଲଗାଏ ପକ୍ଷୀ

କୋଟି କୋଟି ବୃକ୍ଷ ଉଠେ ପୃଥିବୀରେ ଫୁଲ-ଫଳ ଭରିଯାଏ,

ବୃକ୍ଷବନ୍ଧୁ ପକ୍ଷୀ ତା'ର ମଞ୍ଜିନେଇ ଅନ୍ୟତ୍ର ପକାଇ ଥାଏ |

କାଉ ଆମ୍ବ ଖାଇ ଟାକୁଆ ପକାଏ ମଞ୍ଜି ଫିଙ୍ଗେ ଖାଇକୋଳି,

ଗଛ ବଡ଼ହେଲେ ତା' ଡାଳରେ ବସି ମଜାରେ ଖେଳଇ ଦୋଳି |

ଗୁଣ୍ଡୁଚି ମୂଷାଟି ଗଛ ଡାଳେ ଚଢି ମଞ୍ଜି ଖୋଜି ତୋଳି ନିଏ,

ଭବିଷ୍ୟତ ପାଇଁ ରଖେ ସେ ଲୁଚେଇ ପରେ ଜାଗା ଭୁଲିଯାଏ |

ଆଉ କେତେ ପକ୍ଷୀ ଫଳର ମଞ୍ଜିକୁ ଭାବନ୍ତି ସେଇଟା ପୋକ,

ଖାଇ ପାରନ୍ତିନି ଫିଙ୍ଗନ୍ତି ବାହାରେ ଥିଲେ ଥାଉ ପଛେ ଭୋକ |

ଅଜାଣତେ ବୃକ୍ଷରୋପଣ କରନ୍ତି ସଂସାରର ସବୁଜୀବ,

ସବୁଠୁଁ ଅଧିକ ବୁଝିଛି ମଣିଷ ବୃକ୍ଷରୋପଣର ଲାଭ |

ସବୁଠୁଁ ଚତୁର ବୁଦ୍ଧିଆ ମଣିଷ ବୃକ୍ଷକୁ କରେ ଛେଦନ,

ଅତି ସହଜରେ କରିପାରିବ ସେ ସବୁଠି ବୃକ୍ଷରୋପଣ |