" ଆଞ୍ଜୁଳାଏ ଜୀବନ
" ଆଞ୍ଜୁଳାଏ ଜୀବନ
ମାଟି ଓ ଆକାଶ ମଧ୍ୟେ
ତୋର ଏ ସଂସାର
ଜୀବନ ଓ ମୃତ୍ୟୁର ମଝିରେ
ଆଞ୍ଜୁଳା ଏ ଜୀବନ ।
ଆଞ୍ଜୁଳାଏ ଜୀବନକୁ ନେଇ
କଅଣ କରିବୁ
ଆଞ୍ଜୁଳାରେ ଫୁଲ ଭରିବୁ ନା କଣ୍ଟା
ପୁଣ୍ୟ ଭରିବୁ ନା ପାପ
ଅମୃତ ଭରିବୁ ନା ବିଷ
ନିଆଁ ଭରିବୁ ନା ନୀତି !
ଆଞ୍ଜୁଳାଏ ଜୀବନକୁ ନେଇ
କଣ କରିବୁ
ଆଞ୍ଜୁଳା ରେ ପ୍ରେମ ଭରିବୁ ନା ପ୍ରତାରଣା
ସ୍ନେହ ଭରିବୁ ନା ଲାଞ୍ଛନା
ଆଞ୍ଜୁଳାରେ ଦୀପ ଧରିବୁ ନା ଦହନ
ତେଲ ଭରିବୁ ନା ତମସା !
ଆଞ୍ଜୁଳା ଏ ଜୀବନକୁ ନେଇ
କଅଣ କରିବୁ
ଆଞ୍ଜୁଳାରେ ଅହଂ ଭରିବୁ ନା ସୋହମ୍
ଚିନ୍ତା ଭରିବୁ ନା ଚେତନା
ଆଳସ୍ୟ ଭରିବୁ ନା ଆତ୍ମ ପ୍ରତ୍ୟୟ
ବିବେକ ଭରିବୁ ନା ବୈଭବ !
ଆଞ୍ଜୁଳାଏ ଜୀବନକୁ ନେଇ
କଣ କରିବୁ
ଆଞ୍ଜୁଳା ରେ ମୈତ୍ରୀ ଭରିବୁ ନା ଦ୍ଵେଷ
ଶୁଭଂ ଭରିବୁ ନା କ୍ଷୋଭ
ବିଶ୍ୱାସ ଭରିବୁ ନା ଅବିଶ୍ୱାସ
ସଂଶୟ ଭରିବୁ ନା ସମାଧାନ !
ଆଞ୍ଜୁଳା ଏ ଜୀବନକୁ ନେଇ
କଅଣ କରିବୁ
ଆଞ୍ଜୁଳାରେ ତ୍ୟାଗ ଭରିବୁ ନା ସ୍ଵାର୍ଥ
ଚିନ୍ତନ ଭରବୁ ନା ଚିନ୍ତା
କର୍ତ୍ତବ୍ୟ ଭରିବୁ ନା କଟାକ୍ଷ
ଆଶୀର୍ବାଦ ଭରିବୁ ନା ଅଭିଶାପ !
ଆଞ୍ଜୁଳାଏ ଜୀବନକୁ ନେଇ
ତୁ କଣ କରିବୁ
ଆଞ୍ଜୁଳାରେ ସ୍ଵୀକାରୋକ୍ତି ଭରିବୁ ନା ଯୁକ୍ତି
କ୍ଷମା ଭରିବୁ ନା ଧିକ୍କାର !
ଆଞ୍ଜୁଳା ଏ ଜୀବନକୁ ନେଇ
କଣ କରିବୁ
ଆଞ୍ଜୁଳା ଏ ଜୀବନକୁ ନେଇ
କଣ କରିବୁ
ଏହା ତୋର ସମ୍ପୂର୍ଣ୍ଣ ନିଜସ୍ଵ
ଯାହା ତୋ ମଣିଷ ଜନ୍ମର
ନିୟାମକ ହେବ।