କଳା ଠାକୁର (ଭଜନ)

ଅନିନ୍ଦ୍ୟ ସୁନ୍ଦର ମୋ କଳା ଠାକୁର

   କେଡେ ମନୋହର ଦିଶ

ଚାହିଁଦେଲେ ମୁଖ ସେ କୋଟି କନ୍ଦର୍ପ

   କ୍ଷଣେ ହରିଯାଏ କ୍ଲେଶ ॥୦॥

ଭାବିଦେଲେ ଥରେ ହୃଦୟରେ ଭରେ

  କସ୍ତୁରୀ ଚନ୍ଦନ ବାସ

ମନର କୁଞ୍ଜରେ ନାଚେଲୋ ଖଞ୍ଜରେ

   କାଳିଆ ତୋହରି ରାସ

ଭୁଲିଯାଏ ସବୁ ରାସ ଦେଖି ପ୍ରଭୁ

    ମନ ହୋଇଯାଏ ତୋଷ ॥୧॥

ମାଗିବାକୁ ଚାହିଁ ମାଗିପାରେ ନାହିଁ

    ଦେଖି ତୋତେ ପୀତବାସ

ଇଚ୍ଛା ଯଦି ଅଛି ଦେବା ପାଇଁ କିଛି

    ଦିଅ ପୁରୀ ଧାମେ ବାସ

 ଦେଖୁଥିବି ନିତି ତୋତେରେ ଶ୍ରୀପତି

   ଥିବା ଯାଏ ମୋ ନିଶ୍ବାସ॥୨॥