ଲାଇବ୍ରେରୀ
ପ୍ରୋଫାଇଲ୍
ତୁମେ ହିଁ ଅନନ୍ତ
ତୁମେ ହିଁ ଅନନ୍ତ
1 min
381
ବ୍ୟାପ୍ତ ତୁମେ ସ୍ଥଳେ ବ୍ୟାପ୍ତ ତୁମେ ଜଳେ
ବ୍ୟାପ୍ତ ଯେ ବାୟୁମଣ୍ଡଳେ
ତୁମେ ସର୍ବ ବ୍ୟାପ୍ତ ତୁମେ ହିଁ ଅନନ୍ତ
ସ୍ଥୁଳ ପୁଣି ନୀଳାଚଳେ ॥୦॥
ନିରବ ଆକାଶ ପ୍ରଳୟ ବତାଶ
ତୁମରି ଇଙ୍ଗିତେ ଖେଳେ
କାହାକୁ ଉଠାଏ କାହାକୁ ପକାଏ
ବାଛି ବାଛି କଳେବଳେ
ଆଦେଶେ ତୁମରି ସଂସାର ଚାଲିଛି
କେତେ ଲୀଳା କେତେବେଳେ ॥୧॥
ବୟସ ଗଲାଣି ପରିଲିନି ଜାଣି
ବସିଛ ହୃଦ ଦେଉଳେ
ଚିତ୍ତ ବିନୋଦନ ମୋ ଚିତ୍ତ ରଞ୍ଜନ
ପଡେ ତୁମ ପାଦତଳେ
ମୋ ବାହୁଡା ବେଳେ ଜୀବ ଉଡିଗଲେ
ଉଠାଇ ନେବ ହୋ କୋଳେ ॥୨॥
