କେବେ ଉଠିବେ ବେଣୁପାଣି

କିଏ ଲୋ ଅବଢ଼ା ବାଢ଼ି ଆଣି ଦେବ 

   ଦେବ ମୋତେ ଟଂକ ତୋରାଣି 

ଜ୍ୱର ରେ ପଡିଛି କହ୍ନେଇ ମୋହର 

   ଦେହେ ତା' ଖଇ ଫୁଟିଲାଣି ॥୦॥

ଗାଧେଇ ଗାଧେଇ ପଡ଼ିଅଛି ଶୋଇ 

   ଥକା ମାରି ନୀଳମଣି 

ଅଣାକାର ମୋର ଅଣାୟତ ଆଜି 

   କାହାକୁ ଦର୍ଶନ ଦେଉନି 

ଝୁରେ ଶ୍ରୀମନ୍ଦିର ଝୁରେ ଭକ୍ତ ତାର 

  କେବେ ଉଠିବେ ବେଣୁପାଣି ॥୧॥

 

ବହୁଦିନ ହେଲା ଗୁଣ୍ଡିଚା ମାଆ କୁ 

  ଆମ କହ୍ନେଇ ତ ଦେଖିନି 

ଅରୁଚି ଧରିଛି  ପାଟିକୁ ତାହାର 

  କାହ୍ନୁ ଉଣ୍ଡାଳେ ମା ର କାନି

ହୋଇଲେ ଲୋ ଭଲ ମା ପାଖ ଧାଇଁବ 

  ଗାଁ ତାକୁ ବାଇଆ କଲାଣି ॥୨॥