ମକର ଆସିଚି

ଯାଡ କାକରର କରାଳ ଭିତରେ

ଖୁସିକୁ ଘେନି ଆସିଚି

ସବୁରି ମନରେ ନୂଆ ଆଶା ଭରି

ଦେଖ ମକର ଆସିଚି।

ଚାଷୀ ଭାଇର ଅଗଣାରେ ଆଜି 

ସୁନା ର ଲହରୀ ଛୁଟିଛି

ଶସ୍ୟ ଶ୍ୟାମଳ ପୃଥିବୀ ଆମର 

ଖିଲି ଖିଲି ହୋଇ ହସୁଛି।

ଦୁଃଖୀ ମାଆ ର ପୁଅଟି ଆଜି

ସହରରୁ ଦେଖ ଫେରିଛି

ଆନନ୍ଦ ମନରେ ପୁଅ ପାଇଁ ମାଆ 

କେତେ ପିଠା ପଣା କରୁଛି।

ଭଳିକି ଭଳି ପିଠା ମହକ ରେ 

ଘର ଦୁଆର ମହକି ଯାଉଛି

ସବୁରୀ ମନରେ ଖୁସି ଦେବା ପାଇଁ

ମକର ଫେରି ଆସିଛି।

ଦୁଆର ମୁଁହକୁ ଆଉଜି ହେଇ 

କୁନି ଝିଅଟି ଚାହିଁ ରହିଛି

ନୂଆ ଜାମା ତାର ଆସିବ ବୋଲି 

ବାପାଙ୍କୁ ଜଗି ବସିଛି।

ସଭିଙ୍କ ମନରେ ଖୁସି ଦେବାକୁ 

ଦେଖ ମକର ଆସିଚି

ଧୋନୀ କି ଗରୀବ ସଭିଙ୍କ ପାଇଁ 

ଆନନ୍ଦ ନେଇ ଆସିଚି।