ଆମ ସମ୍ବିଧାନ।

        

ଆମ ସମ୍ବିଧାନ ଗର୍ବ ଆମର,

ସାରା ଜଗତ ରେ ସେ ପରିଚିତ

ସର୍ବବୃହତ୍ ଶାସନ ଧାରା,

ମହାନ୍ ଆମ ଏଇ ଗଣତନ୍ତ୍ର।

ଆମ ଶାସନ ର ଶାସକ ଆମେ,

ଶାସିତ ବି ପୁଣି ଆମେ,

ଆମ ଦେଶକୁ ଆମେ ସମ୍ଭାଳୁ,

ଗଢ଼ୁ ଆମ ସରକାର।

ସମ୍ବିଧାନ ର ସବୁ ଶାସନ ଧାରା 

ଗଲାଣି କୁଆଡେ ହଜି,

ଗଣତନ୍ତ୍ର ର ଏଇ ମହାନ୍ ଦେଶ ରେ,

ଶାସକ ଶୋଷିତ ଆଜି।

ଗଣତନ୍ତ୍ର ଆଉ ପ୍ରଜାତନ୍ତ୍ର ନାଁ ରେ

ରାଜତନ୍ତ୍ର ଚାଲେ ଏଠି,

ପ୍ରଜାଙ୍କ ପାଇଁ ଯୋଜନା ହୁଏ

ପହଞ୍ଚି ପାରେନି ତାଙ୍କଠି ।

 ଆମ ଶାସକ ଙ୍କୁ ଆମେ ବାଛୁଚୁ,

ହାତରେ ଟଙ୍କା କୁ ଧରି

ଗଣତନ୍ତ୍ର ର ମୂଲ୍ୟ ମୁଁ ଦଉଚି,

ନିଜକୁ ବିକ୍ରି କରି।

ଆମ ସମ୍ବିଧାନର ଗୌରବ ଆଜି,

ହରାଇଚି ନିଜ ସମ୍ମାନ,

ଦେଶର ସଚେତନ ନାଗରିକ ଆମେ, 

ରଖିବା ଆମ ସମ୍ବିଧାନ ର ମାନ

ରଖିବା ତାହାର ମାନ।