ଲୋକ ହସା

ଦୁନିଆ ଦାଣ୍ଡରେ ହୁଏ ଲୋକ ହସା

        ପାରି କର ହେ ଗୋସାଇଁ

ତୁମ ବିନା ନାହିଁ ଅନ୍ୟ ଗତି ମୋର

        ତୁମେ ମୋ ଜଗତ ସାଇଁ

ସବୁ ଥାଇ କିଛି ଭଲ ନ ଲାଗୁଛି

     ନିଜ ଲୋକ ବି ପର କରୁଛି

ପାଇବା ଠୁ ହରାଇ ଦେଉଛି ଅଧିକ

     ଅଜ୍ଞାନ ହୋଇ ଯାଏ ମୋ ବିବେକ

ସଂସାର ପଥରେ ହୁଏ ବାଟ ବଣା

        ବାଟ ଦେଖାଇ ଦିଅ ମୋ ପାଇଁ

ଦୁନିଆ ଦାଣ୍ଡରେ ହୁଏ ଲୋକ ହସା....

ଭଲ କାମ କରି ନିନ୍ଦା ବି ଶୁଣୁଛି

       ସୁଖ ଠୁ ଅଧିକ ଦୁଃଖ ଭୋଗୁଛି

ସରଳ ନିରୀହ ହୋଇ କଷ୍ଟ ପାଉଅଛି

       କେତେ ଯନ୍ତ୍ରଣା ନୀତି ସହୁଛି

ଏକା ହୋଇ ଜୀବନେ ବାଟ ଚାଲୁଛି

        ତୁମ ବିନା ମୋ କେହି ନାହିଁ

ଦୁନିଆ ଦାଣ୍ଡରେ ହୁଏ ଲୋକହସା ।