Library
Profile
ମାୟାଧର ନକରିବ ମାୟା ହେ
ମାୟାଧର ନକରିବ ମାୟା ହେ
ଲଳିତା ଲବଙ୍ଗ ଲତା ରମଣୀୟ କାନ୍ତି
ଲବଣୀ ପିତୁଳା ମୋ ଧନ ଦିବ୍ୟ ମୂରତି
ସେ ମୋ କଳା ମଣିକ
ଆବିଳ ପୂର୍ଣ୍ଣ ହୃଦ ସର ପଦ୍ମ କୋରକ ।
ମୟୂର ମୁକୁଟ ଧାରି ରତନ ଖଚିତ
ଝଲସି ଉଠୁଛି ମଥା କି ସୂର୍ଯ୍ୟ ଆଲୋକ
ତହୁଁ ଦିଶୁଛି ବଳି
କୋଟି କାମ ରୂପକୁ ସେ ଦେଉଅଛି ଦଳି ।
ଗଳେ ଗଜ ମୁକ୍ତାହାର ଇନ୍ଦ୍ର ନୀଳମଣି
ପଦକ ଶୋଭିତ ଗଳା ଜ୍ୟୋତିଷ୍କ ରୋଷଣି
ଦିଶେ ସତେ କି ଗଳେ
ସହସ୍ର ବ୍ରହ୍ମାଣ୍ଡ ତହିଁ ମାଳ ହୋଇ ଝୁଲେ ।
ପିତ ଉତ୍ତରୀୟ ସ୍କନ୍ଧେ ସୁବର୍ଣ୍ଣ ପଇତା
ଚନ୍ଦନ ଚର୍ଚିତ ନାଶା ବସଣୀ
ଶୋଭିତା
ରଙ୍ଗ ଅଧରେ “ମୃଦୁ
ହସ” ତା ନିନ୍ଦଛୁ ଶାରଦ ପୂନେଇଁ ଇନ୍ଦୁ ।
ନୀଳମଣି ଜିଣି କାନ୍ତି ପରେ ପିତାମ୍ଵରି
କଳା ଘନେ ସୌଦାମିନୀ ଖେଳଇ ଯେପରି
ସେ ସୌର୍ଯ୍ୟ ପରକାଶେ
ରତନ ମେଖଳା ସତେ କି ରୁଚିର ଦିଶେ ।
ହାତରେ ସ୍ଵର୍ଣ୍ଣ କଙ୍କଣ ବାହୁରେ ବାହୁଟି
ମୋହନ ମୁରଲୀ ଛନ୍ଦ ତ୍ରିଭଙ୍ଗେ ନଟି
କଦମ୍ଵ ମୂଳେ ଦେଖ
ରାଧା ରାଧା ବୋଲି ବଂଶୀ ଗାଉଅଛି ଗୀତ ।
ନୀଳୋତ୍ପଳ ନେତ୍ର ଚନ୍ଦ୍ର ସୂରୁଯ ପ୍ରକାର
ରକ୍ତପଦ୍ମ ପାଦେ ମୁଁ ତା ଚରଣ କିଙ୍କର
କରିଥିବ ଦୟା ହେ
ମାୟାଧର ମୋ ସହିତ ନକରିବ ମାୟା ହେ ।
