ଶକ୍ତି ସ୍ୱରୂପା ମା ଦୁର୍ଗା

ଜଗତ ଜନନୀ ତୁହି ମାତା ଶକ୍ତି ସ୍ୱରୂପା ଗୋ

ଆଶ୍ୱିନ ମାସ ରେ ତୁହି ପୂଜା ପାଉ ମାଲୋ ।

ଆଦି ମାତା ମହା ମ।ୟୀ ତୋର ଆଗାମନେ

ଭରି ଉଠେ ଧରା ନବ ଉତ୍ସବ ପ୍ଲାବନେ ।

ସ୍ୱର୍ଣ୍ଣ ବର୍ଣ୍ଣ ଶସ୍ୟ ରାଶି ହସଇ କେଦାରେ

ଜନ ମନ ପ୍ରାଣ ନାଚେ ଦିବ୍ୟ ଚେତନା ରେ ।

ଆନନ୍ଦ ଉଲ୍ଲାସ ସହ ପ୍ର।ଚୁର୍ଯ୍ୟ ମଧ୍ଯ ରେ

ପାଳନ କରନ୍ତି ନବ ରାତ୍ରୀ ଯେ ସକଳେ ।

ଆସୁରି ପ୍ରବୃତ୍ତି କାମନା ଓ ଦୁରାଚାର

ପ୍ରତି କ୍ରୋଧ ତ୍ରିଶୁଳକୁ ନିକ୍ଷେପି ସତ୍ୱର ।

ଦୂର କରୁ ଦାରିଦ୍ର୍ୟ ଓ ହିଂସା, ଦ୍ୱେଷ , ଭାବ

ଯୋଗାଇ ପରାଣେ ଶାନ୍ତି ,ପ୍ରୀତି , ଅନୁରାଗ ।

ଆଦର, ଆଦର୍ଶ , ଶିଷ୍ଟାଚାର ସଂସ୍ଥାପନା

ପାଇଁ ଦେଉ ଜନ ମନେ ନବ ଉଦ୍ଧୀପନା ।