କଳି ରେ କାଳିଆ କରୁଛି ଲୀଳା

କଳି ରେ କାଳିଆ କରୁଛି ଲୀଳା

କଳି ରେ କାଳିଆ କରୁଛି ଲୀଳା

ଲୀଳା ମୟ ସେହି ଯେ ଚକା ଡୋଳା ।

ଲୋଡ଼େ ଭକ୍ତି , ଭାଵେ ହୁଏ ସେ ଭୋଳା

ଲାଭ କରି ପୁଣ୍ୟ ଦେଖି ତା ଲୀଳା ।

ଲୀଳା ମୟ ବିଭୁ ଭକ୍ତି ବାଉଳା

ବଡ ଦେଉଳ ରୁ ଭକତ ମେଳା ।

ମେଲି ଚଳାଏ ସେ ରଥ ଯାତରା

ଭକତି ଭାବ ରେ ଦିଏ ସେ ଧରା ।

ତୋରା ଦିଶେ ବସି ରଥ ଉପରେ

ପରିତେ ଭକତ ଗହଳି ଭରେ ।

ଭାରି ଖୁସି ହୋଇ ହୁଅଇ ଉଭା

ଭାଇ ଭଉଣୀ ଙ୍କ ଗହଣେ ଶୋଭା ।

ପାଇଥାଏ ତିନି ରଥ ରେ ବସି

ସଭିଙ୍କୁ ଦର୍ଶନ ଦେଇ ସେ ଖୁସି ।

ହୁଏ ପାପ ତାପ ଧୋଇ ବିନାଶି

ଦିଅଇ କାଳିଆ ସେ ବ୍ରହ୍ମ ରାଶି ।

ଭକତ ସେବକ ଧାର୍ମିକ ମେଳେ

ଆନନ୍ଦେ ତା ରଥ ଯାତରା ଚଳେ ।

ନୀଳାଚଳୁ ରଥ ଯାଏ ବାହାରି

ବାଜେ ଘଣ୍ଟି ଘଣ୍ଟା ଶଙ୍ଖ ମହୁରୀ ।

ଭକତେ ନିଅନ୍ତି ରଥ କୁ ଟାଣି

ଡ଼ାଆଣି ଡିଣ୍ଡାଣି ଡାଆଣି ଧ୍ଵନି ।

କରି ତିନି ରଥ ବଡ ଦାଣ୍ଡ ରେ

ଗଡି ଗଡି ଚାଲେ ଭକ୍ତ ମେଳ ରେ ।

ମାଉସୀ ବାଡ଼ି ରେ ହୁଅଇ ଉଭା

ଗୁଣ୍ଡିଚା , ଆଡ଼ପ ମଣ୍ଡପ , ସେବା ।

ଉପାସନା ପୂଜା ପାଠ ରେ ତୁଷ୍ଟ

ହୋଇ ଭକତ ଙ୍କୁ ଦେଇ ଅଭିଷ୍ଟ ।

ଫେରଇ ସେ ପରି ବାହୁଡା଼ ଯାତେ

ନବ ଦିନ ଧରି ଲୀଳା ବିରଚେ ।

ଘୋଷ ଯାତ୍ରା ଓ ନବ ଦିନାତ୍ମକ

ଉତ୍ସବ ପାଳନ୍ତି ବହୁତ ଲୋକ ।

ରୁଣ୍ଡ ହୋଇଯାନ୍ତି ଲାଗେ ଗହଳ

ଟାଣି ଟାଣି ରଥ ବଢେ ଚହଳ ।

କଳି ରେ କାଳିଆ କରୁଛି ଲୀଳା

ଚାଲ ଦେଖି ଯିବା ସେ ଚକା ଡୋଳା ।

ରଥ ଉତ୍ସବ ରେ ଦିଏ ଦର୍ଶନ

କରି ସେ କାଳିଆ ଦିଅଁ ପ୍ରସନ୍ନ ।

ଜୀବନ ସାର୍ଥକ କରିବା ଯୋଗ

ଆସିଛି ବର୍ଷକୁ ଥରେ ସୁଯୋଗ ।