ପାଚିଲା ପତ୍ରର ରଙ୍ଗ
ପାଚିଲା ପତ୍ରର ରଙ୍ଗ
ଆଜି ଅଛି ସେଇ ଝାଉଁବଣ ସଖୀ
ଅଛି ସେ ଜୋଛନା ରାତି
ମନେଅଛି ମୋର ସେଦିନର ସେଇ
ପୀରତି ବତୁରା ଛାତି I
ଆଖିରେ ନାଚୁଛି ତୁମ ଚାରିପଟେ
ଫୁଲଙ୍କର କୋଳାହଳ
କର୍ଣ୍ଣପଟଳେ ମୋ ପ୍ରତିଧ୍ୱନି ତୋଳେ
ତୁମ ସୁମଧୁର ସ୍ୱର I
ପହିଲି ପଗୁଣ ମୃଦୁ ସମୀରଣ
ଦେଲା ଯେବେ ମୋତେ ଛୁଇଁ
ମୋ ଭିତରେ ସଖୀ ପ୍ରେମିକ ଗୋଟିଏ
ଉଠିଲା ସେଦିନ ଚେଇଁ I
ଏବେ ଗଛୁ ପତ୍ର ପାଚି ଆସିଲାଣି
ବୟସ ମାରୁଛି ହାଇ
ଅଧୁରା ରହିଲା ସାଗର ସଙ୍ଗମ
ଶୁଖି ଆସିଲାଣି ନଈ I