ലൈബ്രറി
പ്രൊഫൈൽ
ତୁମପାଇଁ ସଖୀ
ତୁମପାଇଁ ସଖୀ
1 min
368
ତୁମେ ହସିଦେଲେ ଫଗୁଣ ହସଇ
ମଳୟ ବହଇ ଧିରେ
ତୁମପାଇଁ ସଖୀ କୋଇଲିଟା ଯାଇ
ଗୀତଗାଏ ତରୁଡାଳେ I
ତୁମେ ହସିଦେଲେ କୃଷ୍ଣଚୂଡା ହସେ
ଫୁଲେ ଫୁଲେ ରଙ୍ଗ ଛିଟା
ତୁମପାଇଁ ସଖୀ ବଇଶାଖ ଖରା
ଦେହକୁ ଲାଗଇ ମିଠା I
ତୁମେ ହସିଦେଲେ ଶୀତ ସକାଳରେ
କାକର ପଲଟେ ମୁକ୍ତା
ତୁମପାଇଁ ସଖୀ ଆଖିରେ ଆଖିରେ
ଭରିଯାଏ ମାଦକତା I
ହସିଦିଆ ସଖୀ ଏ ମରତ ଭୂଇଁ
ପାଲଟୁ ସରଗପୁରୀ
ତୁମପାଇଁ ସଖୀ ଅଦିନେ ଦୁନିଆଁ
ଖେଳୁ ରଙ୍ଗ ପିଚିକାରୀ I
