Library
ଅପର୍ଣ୍ଣା ଦେଵୀ
ଅପର୍ଣ୍ଣା ଦେଵୀ
ପୁରୀ ଜିଲ୍ଲା ବୀରଭଦ୍ର ପୁର ଗ୍ରାମେ
ଜନ୍ମି ଥିଲ ହେ ଅପର୍ଣ୍ଣା ଦେଵୀ ତୁମେ ।
ଧର୍ମ ଧ୍ୱଜୀ ଅନ୍ଧ ପେଚକ ସମାଜେ
ସହି ବହୁ ଦୁଃଖ ନିର୍ଯ୍ୟାତନା ଧୈଯ୍ୟେ ।
ଅଗ୍ରସର ହେଲ ସାହିତ୍ୟ ସାଧନେ
ରଚିଲ ପ୍ରକୃଷ୍ଟ କୀର୍ତ୍ତି ରାଜି ତୁମେ ।
ପିତା ବୈଦ୍ୟ ନାଥ ମାତା ଦୁର୍ଗା ଦେଵୀ
ଙ୍କର ତୁମେ ଥିଲ ସୁଯୋଗ୍ୟ ସନ୍ତତି ।
ଉଜ୍ବଳ କରିଲ ଉତ୍କଳ ସାହିତ୍ୟ
କବି କଳ୍ପ ଲତା ଉପାଧି ଲଭିଲ ।
" ବନ ମାଳିନୀ " , " ଆର୍ଯ୍ୟ ଲଳନା " , " ଚିନ୍ତା "
ଅମିତ୍ରା କ୍ଷର ରେ କାବ୍ୟ ସେ " ସଂଯୁକ୍ତା " ।
ସହିତ ବହୁତ " ଇନ୍ଦୁମତି " ଆଦି
" ଶତଦଳ " କାବ୍ୟ ଯାଇଛ ସମ୍ପାଦି ।
" ଦଶ କୁମାର ଚରିତ " ଶିଶୁ ଗଳ୍ପ
ଶିଶୁ ଙ୍କୁ ଦିଅଇ ଶିକ୍ଷା ସେ ଅମାପ ।
ଦେବୀ ରାଣୀ କାବ୍ୟେ ଆଦର୍ଶ ପ୍ରକାଶି
ପ୍ରକୃତି ବର୍ଣ୍ଣନା କାବ୍ୟ " ବାରମାସୀ " ।
ସାଥେ ବହୁ ଅପ୍ରକାଶିତ ଲେଖା ରେ
ସମାଜ ଜୀବନ ଆଲେଖ୍ୟ ପ୍ରଚାରେ ।
ରତ ରହି ଥିଲ ନିତି ଅଭିନବ
ଲାଲିତ୍ୟ ଶୋଭିତ ବିଭା ସୌଉଷ୍ଠବ ।
ବିମଣ୍ଡିତ କରି ସୃଷ୍ଟି ରାଜି ତୁମ
ଉତ୍କଳ ସାହିତ୍ୟେ ଲଭିଲ ସୁନାମ ।
ଧନ୍ୟ ହେ ଅପର୍ଣ୍ଣl ଦେବୀ ତୁମ କୀର୍ତ୍ତି
ସାହିତ୍ୟ ଆକାଶେ ଗୌରବ ର ଦୀପ୍ତି ।
ନାରୀ ସମାଜ ର ଉଦ୍ଧାର ଉତ୍ଥାନ
ପାଇଁ ବ୍ରତୀ ଥିଲ ତୁମେ ଆଜୀବନ ।
ଘେନ ପ୍ରଣିପାତ ଭକ୍ତି ନୈବେଦ୍ୟ କୁ
ଅର୍ପଣ କରୁଛି ଆଜି ମୁଁ ତୁମକୁ ।
