ଚିଠି ବସନ୍ତକୁ
ଚିଠି ବସନ୍ତକୁ
ବସନ୍ତର ଅପେକ୍ଷାରେ
ଥିଲି ମୁଁ ଅନାଇଁ
ହେଲେ ଆସିଲା ନିଦାଘ
ଚାରିଆଡେ ଖରା ଟାଇଁ ଟାଇଁ I 1 I
ନିଦାଘର ଉଷ୍ମତାକୁ
ସହିବାରେ ନାହିଁ ଅନୁଭୂତି
ହେଉ ପଛେ ଡେରି
ଆସି ଥରେ ଦେଖିଯାଅ
ତୁମ ପାଇଁ ଅଭିସାରେ
ବସିଛି ମୁଁ ଲଗାଇ ଗଜରା
ଆଉ ଜାଳି ସଞ୍ଜବତୀ I 2 I
ତୁମେ ନ ଆସିଲେ
ସବୁ ରଙ୍ଗ ରସ ପଡିଯିବ ଫିକା
ବ୍ରଜଦାଣ୍ଡେ ଉଡିବନି ରଙ୍ଗର ଫୁଆରା
ନାଚିବେନି ରାଧା ଆଉ
ସକଳ ଗୋପୀକା I 3 I
ମୁଁ ନୁହେଁ ଏକା ଆଜି
ଭୁଲ୍ ପାଇଁ ସର୍ବେ ଅନୁତପ୍ତ
ସମସ୍ତେ ତତ୍ପର ଆଜି
ସବୁଜ ବିପ୍ଳବ ଆଣି
କରିବାକୁ ପ୍ରକୃତିକୁ
ସବୁଜ ମଣ୍ଡିତ I 4 I
******