ଅଂଶୁଘାତ

ବୈଶାଖ ଓ ଜୈଷ୍ଠ ମାସରେ ଅଧିକ

ହୋଇ ଥାଏ ଅଂଶୁଘାତ

ଅତ୍ୟଧିକ ତାପେ ସିଝି ଦେହ କମ୍ପେ 

ଶରୀର ହୁଏ ଅସୁସ୍ଥ ।

ବଢ଼ି ବଢ଼ି ଚାଲେ ବରଷ କୁ ବର୍ଷ

ଏହି ଅଂଶୁଘାତ ବ୍ୟାଧି

ଖରା ବେଳେ ଯିଏ ବାହାରେ ରହଇ

କଷ୍ଟ ସହେ ଭାଗ୍ୟ ନିନ୍ଦି ।

ଜଙ୍ଗଲ ଓ ବୃକ୍ଷ ଲୋପ ପାଇ ଵlରୁ

ବଢ଼ି ଚାଲିଛି ଉତ୍ତାପ

ଏଥି ସହ ଏବେ ଦିନୁଦିନ ବଢେ

ପ୍ରକୃତି ର ତୀବ୍ର କୋପ ।

ତିରିଶ ଡ଼ିଗ୍ରୀ ରୁ ଅଧିକ ଉତ୍ତାପ

ଦେହ କୁ ଅହିତ କର

ବାହାର କୁ ଗଲେ ଦେହ କୁ ଘୋଡାଇ

ରଖିବା ଉଚିତ ଚିର ।

ଖାଲି ଶରୀର ରେ କି ଅବା ମୁଣ୍ଡ ରେ

କ୍ଷତି କାରକ କିରଣ

ପଡ଼ିଲେ ହୁଅଇ ଏଇ ଅଂଶୁଘାତ

ରୋଗ ର ଜାଣ କାରଣ ।

ପଣା ଘୋଳ ଦହି ଶୀତଳ ପାନୀୟ

ଗ୍ରୀଷ୍ମ କାଳେ ପ୍ରୟୋଜନ

ତରଭୁଜ ଫଳ ଭୋଜନ ଚନ୍ଦନ

ଘୋଳ ଦେହ ରେ ଲେପନ ।

କଲେ ଅଂଶୁଘାତ ପାଇ ଥାଏ ହ୍ରାସ

ଖରା ରେ ନ କର କାମ

ଖରା ରେ ବାହାରେ ରହନ୍ତି ଯେମାନେ

ତେଜି ଥାନ୍ତି ନିଜ ପ୍ରାଣ ।

ଅଂଶୁଘାତ ରୋଗ ଶିକାର ହୋଇଣ

ପ୍ରତି ବର୍ଷ ବହୁ ଲୋକ

ବହୁ କଷ୍ଟ ସହି ମୃତ ଥାନ୍ତି ହୋଇ

ପୀଡା ଦିଏ ସୂର୍ଯ୍ୟାଲୋକ ।

ଜଙ୍ଗଲ ପୋଡ଼ି ରେ ପ୍ରତି ବର୍ଷ ଦୃତ

ହାସ ପାଉଛି ଅରଣ୍ୟ

ବିଳମ୍ବିତ ହୋଇ ଚାଲି ଅଛି ପୁଣି

ମୌସୁମୀ ର ଆଗମନ ।

ଜଙ୍ଗଲ କ୍ଷୟ ରୁ କମି ଯାଉ ଅଛି

ବର୍ଷା ହେବା ପରିମାଣ

ଜଙ୍ଗଲ ଓ ବୃକ୍ଷ ସଂରକ୍ଷଣ କଲେ

କମିବ ଏ ସଂକ୍ରମଣ ।

ଆଗରୁ ନ ଥିଲା ବିଶ୍ଵ ତାପମାନ

ବୃଦ୍ଧି ପାଇଁ ଅଂଶୁଘାତ

ରୋଗ ଯାତ ହୋଇ ପ୍ରତି ବର୍ଷ ଦୃତ

ବଢ଼ି ଚାଲିଛି ଏବେ ତ ।