କ୍ରମଶଃ କ୍ରମଶଃ
କ୍ରମଶଃ କ୍ରମଶଃ
କ୍ରମଶଃ କ୍ରମଶଃ ବଢେ ଜୀବନ ର ଗତି
ଦୁଃଖ ସୁଖ ହସ କାନ୍ଦ ଭରା ଏ ଧରିତ୍ରୀ ।
ଦେଖାଏ କ୍ରମଶଃ କେତେ ଅଭିନବ ଭାବ
ବହୁ କାଳ ଧରି ରହେ ଯାହାର ପ୍ରଭାବ ।
କ୍ରମଶଃ ଘଟାଇ ଚାଲେ ସ୍ବପ୍ନ ସମ୍ଭାବନା
ରୋମାଞ୍ଚ ପୁଲକେ ବୁଡେ ଜାଗ୍ରତ ଚେତନା ।
ଚିର ବହମାନ ସମୟ ର କୋଳେ ରହି
ନଦୀ ସ୍ରୋତ ପରି ଜୀବନ ଟି ଚାଲୁ ଥାଇ ।
ଉତ୍ଥାନ ପତନ କେତେ ଅତିକ୍ରମ କରି
ଜୀବନ ପ୍ରବାହ ଧାଏଁ ଯେସନ ଲହରୀ ।
କ୍ରମଶଃ ଶୈଶବ ଶେଷ ଯୌବନ ପ୍ରବେଶ
ବାର୍ଦ୍ଧକ୍ୟ ଓ ପୌଢ଼ାବସ୍ଥା ହୋଇ ଚାଲେ ଶେଷ ।
ଅଚାନକ କେବେ ଯେବେ ଆକ୍ରମେ ମରଣ
କାଳ ମହସିନ୍ଧୁ ବକ୍ଷେ ତେଜଇ ଜୀବନ ।।