ଲାଇବ୍ରେରୀ
ପ୍ରୋଫାଇଲ୍
ପ୍ରିୟା ମୋ ଅଳସୀ ନଈ
ପ୍ରିୟା ମୋ ଅଳସୀ ନଈ
1 min
334
ଅଳକା ନଈର ଅଳସୀ ସୁଅରେ
ଭାସିଗଲି ଯେବେ ଥରେ ।
ପାଇଲିନି କେବେ କୂଳ କି କିନାରା
ପଡି ତାର ଛଳନାରେ ।୦।
କଳା ମଚ ମଚ ତା' ପଣତ ତଳେ
ରାତି କେତେ ଗଲା ଲୁଚି ।
ପ୍ରୀତି ଭଉଁରୀରେ ଉବୁଟୁବୁ ହେଲି
ମନବଳ କେତେ ସଞ୍ଚି ।
ରୂପେଲୀ ନଈର ରୂପାକନିଆଁ ସେ'
ପଡିଗଲି ତା'ପ୍ରେମରେ ।୧।
ଫୁଲେଇ ସେ ଯେତେ ମିଛେଇ ବି ସେତେ
ଗଭୀରତା ଆବିଳତା ।
କେତେ ସେ ନଈରେ ପହଁରିଛି ହେଲେ
ପଚାରିନି କେବେ ମୋତେ ।।
ବହୁଛି ସେ ନଈ ଦୁଇ କୂଳ ହୋଇ
ଚାହୁଁନି କେବେ ସେ ଥରେ ।୨।
