ଜୀବନ ପଥରେ ସଖୀ
ଜୀବନ ପଥରେ ସଖୀ
ଚାଲିଚାଲି ବାଟ ସରେନାହିଁ କେବେ
ଇତି ହୁଏନାହିଁ ପ୍ରୀତି
ପାନ୍ଥଶାଳା ଟିଏ ଖୋଜିହୁଏ ପାନ୍ଥ
ବିତାଇବାକୁ ତା ରାତି I
ସରି ଯାଏ ନାହିଁ ଚାନ୍ଦର ଚାନ୍ଦିନୀ
ବିତୁ ଯେତେ ବର୍ଷ ମାସ
ପ୍ରିୟତମା ସଖୀ ସଲ୍ଲଜ ଚାହାଣୀ
ମନେ ଭରିଦିଏ ହର୍ଷ I
ଲହଡି ବିଦାରେ ବେଳାର ଛାତିକୁ
ଛୁଉଁଥାଏ ତାର ଓଠ
ଯୁଗ ଯୁଗ ଧରି ଓଦା ରହିଛି ଲୋ
ବେଳାଭୂମୀ ପ୍ରୀତି ତୁଠ I
ମେଘ ଦେଖିଦେଲେ ଖୁସିରେ ମୟୁରୀ
ପର ଟେକି ନୃତ୍ୟକରେ
ତୁମ ପ୍ରେମ ଛୁଏଁ ମାଟିରୁ ଆକାଶ
ଉଲ୍ଲାସରେ ମନ ଭରେ I
ତୁମକୁ ମୁଁ ସଖୀ ଯେତେ ଦେଖୁଥାଏ
ସେତେ ଦିଶ ନୂଆ ନୂଆ
ହୃଦୟ ନଦୀ ମୋ ଜୁଆରିଆ ହୋଇ
ଖୋଜେ ତୁମ ପ୍ରୀତି ଛୁଆଁ I
ତୁମ ହସ ସିନା ସବୁଠୁ ସୁନ୍ଦର
ତାଠାରୁ ସୁନ୍ଦର ଲୁହ
ଜୀବନଟା ସାରା ତୁମରି ପ୍ରେମରେ
ଭିଜୁଥିବି ଅହରହ I