ଗଣତନ୍ତ୍ର ଆମ ମହାମନ୍ତ୍ର
ଗଣତନ୍ତ୍ର ଆମ ମହାମନ୍ତ୍ର
ଗଣତନ୍ତ୍ର ଆମ ଦେଶ ମହାମନ୍ତ୍ର ।
ସମ୍ବିଧାନ ଆମ ଗ୍ରନ୍ଥ ।
ଆମେ ଏ ଦେଶର ଅମୃତ ସନ୍ତାନ ।
ବିଶ୍ଵ ଇତିହାସେ ଶ୍ରେଷ୍ଠ (୦)
ସଂସଦ ମନ୍ଦିରେ ଚାଲେ ଦେଶ ଚର୍ଚ୍ଚା ।
ନିୟମ କାନୁନ ନେଇ ।
ଆମ ହାତେ ଆମେ ନେତା ବାଛି ଥାଉ ।
ଭୋଟ ଖଣ୍ଡିଏ ଦେଇ ।
ସେଇ ନେତା ଆମ ଭାଗ୍ୟ ବିଧାତା ।
ହରିଥାଏ ଦୁଃଖ କଷ୍ଟ (୧)
ଆମ ପାଇଁ ସିଏ କାମ ନ କରିଲେ ।
ବଦଳେ ଶାସନ କଳ ।
ପାଞ୍ଚ ବର୍ଷ ପରେ ହଟେଇବା ପାଇଁ କି ।
ଲାଗେ ଜନତାଙ୍କ ମେଳ।
ଆସେ ଯିଏ ନୂଆ ନେତା ହୋଇ ଆମ
ଦେଖାଏ ନୂଆ ବାଟ।୨।
ଆମର ଭୂମିକା ସଭ୍ୟ ଶିକ୍ଷିତ।
ରାଜନେତାଟିଏ ବାଛି ।
ପଲ୍ଲୀରୁ ଦିଲ୍ଲୀକୁ ପଠେଇଲେ ସିଏ
ବିକାଶ କରିବ କିଛି ।
ଲୋକତନ୍ତ୍ରେ ସେ ଜନତା ସେବକ।
ନିୟମ କହେ ସ୍ପଷ୍ଟ (୪)
ଦ୍ଵିତୀୟେ କାର୍ଯ୍ୟନିର୍ବାହୀ ରହି ।
ଦେଶକୁ ଆଗେଇ ନିଏ ।
ତୃତୀୟେ ଆମର ନ୍ୟାୟାଳୟ ।
ସମାନ ନ୍ୟାୟ ସେ ଦିଏ
ଜନତାଙ୍କ ସ୍ୱର ଗଣମାଧ୍ୟମ
କହଇ ସେ କଥା ସ୍ପଷ୍ଟ (୫)
ଲୋକତନ୍ତ୍ରର ଏ ଚାରି ସ୍ତମ୍ବ
ଦେଶକୁ ଦିଏ ଦମ୍ଭ ।
ଦୁର୍ବଳ ହେଲେ ଦେଶର କ୍ଷତି ।
ଜନତାଙ୍କ ହଜେ ନିଦ ।
ସତ୍ୟ ଶାନ୍ତି ମୈତ୍ରୀ ପ୍ରୀତି
ଦେଶ ହରା ହୁଏ ଭ୍ରଷ୍ଟ (୬)
ଆସ ଆମ ଶ୍ରେଷ୍ଠ ଲୋକତନ୍ତ୍ର ।
ତା ସହିତ ସମ୍ବିଧାନ ।
ପ୍ରଣୟନ ପାଇଁ ସୁଚାରୁ ରୂପେ ।
ଦେବା ବିଶେଷ ଧ୍ୟାନ ।
ରଖିବା ଦେଶର ମାନ ମହତ।
ଗାଇ ଜାତୀୟ ସଙ୍ଗୀତ(୭)