ସମୟ ଯାଇଛି ବିତି

ସପନ ସଜଡ଼ା ଏଇ ଘରେ ମୋର।

ସଜେଇ ରଖିଛି ସ୍ମୃତି ।

ହଜେଇଛି କିଛି ସମୟ ସୁଅରେ ।

ସେଦିନ ଯାଇଛି ବିତି ।0।

ଭିଜି ଯାଉ ଥିଲା ଦେହେ ଝାଳେ ଯେବେ।

ମୁହଁ ରୁ ସର୍ବାଙ୍ଗ ଦେହ ।

ପୋଛି ଦେଉଥିଲା ସରାଗରେ "ବୋଉ"

ଅଭୁଲା ତା' ମିଠା ସ୍ନେହ ।।

ଅଝତିଆ ଲୁହ ତା ' ପଣତେ ପୋଛି ।

ପୁହାଇ ଦେଇଛି ରାତି(୧)

ନୀଳ ଆକାଶର ଉଦାସିଆ ଜହ୍ନ ।

ଏମନ ଝରକାକୁ ଖୋଲି ।

କହିଗଲା କାନେ ସତରେ ମୁଁ କାଳେ।

ଛୋଟରୁ ଏବେ ବଡ ହେଲି ।

ବାପାଙ୍କ ଆକଟେ ଗୁରୁଜନ ଛାଟେ 

ପଢ଼ାରେ ରହିଲା ମତି (୨) 

ବାପା ହେଲେ ଖୁସି ଭାଇ ଦେଲେ ହସି ।

ଭଉଣୀ ପାଖରେ ଥାଇ । ଏ ନିରୋଳା ମନେ ଆସି କେ ଗୋପନେ।

କାଉଁରୀ ପରଶ ଦେଇ ।

ନେଇଗଲା ମୋତେ ସପନ ରାଇଜ ।

ହେଲିତା ଜୀବନ ସାଥି (୩)