ମନ କଥା

ମନେ ପଡେ ନିତି ମନ କଥା ମୋର

ମରମ ରେ ପ୍ରତି କ୍ଷଣ

କେଉଁ ଭାବ ଭରି କେସନେ ବର୍ଣ୍ଣିବି 

ନ ପାରେ ସ୍ଥିର କରିଣ ।

ନୃତ୍ୟ ଗୀତ ଗାଇ ମଉଜ ଭିତରେ

ବୁଡି ରହି ଭାବନାରେ

ଅପସଂସ୍କୃତିର ଧାରା ଜାରି ରଖି 

କମ୍ପ୍ୟୁଟର ପ୍ରଣାଳୀ ରେ ।

ବହୁ ତଥ୍ୟ ତତ୍ତ୍ୱ ଅନ୍ୱେଷଣ କରେ

ଅନୁମାନ ନୁହେଁ କିଛି

ସମୟ ସହିତ ଜଡିତ ବହୁତ

ତଥ୍ଯ ବିଲୋପ ହୋଇଛି ।

ମନରେ  ଥିବା ସେ ସୂଚନା ସକଳ

ଅତୀତ ସ୍ମୃତି ବିଷୟ

କେ ଗୋପନ କୋଣେ ଛପି ରହି ଥାଏ

ଉଙ୍କି ମାରି ଅହରହ ।

ଯୋଗାଇ ପରାଣେ ଭାବ ଉନ୍ମାଦନା

ନବୀନ ଚେତନା ଧାରା  

ପ୍ରତି ପଦକ୍ଷେପେ ଦିଅଇ ପ୍ରେରଣା

ସାହସ ଶକତି ଭରା ।

କରଇ ଜୀବନ ସ୍ନେହ ଅନୁରାଗ

ସୃଷ୍ଟି ହୁଏ କ୍ରମେ କ୍ରମେ

ଦ୍ରୁତୁ ଦୃତ ତର ହୋଇ ଉଠେ ଚିତ୍ତ

ବୃତ୍ତି ସମୂହ  ଗହଣେ ।