ଲାଇବ୍ରେରୀ
ପ୍ରୋଫାଇଲ୍
ମଦିରା ମାଦକତା
ମଦିରା ମାଦକତା
1 min
378
ମନେ ନାହିଁ ଦିନ ତାରିଖ ଓ ବାର
ଯେଦିନ ମୋ ପାଖେ ବସି
ଶୂନ୍ୟପାତ୍ରେ ମୋର ଭରିଲ ମଦିରା
ଦେଇଥିଲ ଟିକେ ହସି I
ମଦିରା ମହକେ ମହକି ଉଠିଲା
ଚତୁର୍ଦ୍ଦିଗ ମହ ମହ
ତୁମ ପରଶରେ ମନ ଚହଲିଲା
ଚହଲିଗଲା ମୋ ଦେହ I
ପିଆଲା ଭରିଲ ମନ ଭରିଗଲା
ଓଠରୁ ହଜିଲା ଶୋଷ
ପିଆଲାରେ ତୁମେ ମୋ କଣ୍ଠେ ଭରିଲ
ସୁମଧୁର ସୋମରସ I
ସବୁ ଅବସୋସ ଦୂର ହୋଇଗଲା
ଭିଜିଗଲି ତୁମ ପ୍ରେମେ
ଗୋଟି ଗୋଟି ସବୁ ମନେଅଛି ଆଜି
ଭୁଲିବିନି ଏ ଜୀବନେ I
