Independence Day Book Fair - 75% flat discount all physical books and all E-books for free! Use coupon code "FREE75". Click here
Independence Day Book Fair - 75% flat discount all physical books and all E-books for free! Use coupon code "FREE75". Click here

Kali Kumar

Abstract


5.0  

Kali Kumar

Abstract


ଫେରି ନାହିଁ ସୌଦାଗର

ଫେରି ନାହିଁ ସୌଦାଗର

1 min 118 1 min 118

କ'ଣ ସେ ସୌଦାଗର ଫେରି ଯାଇଥିଲେ

ତେର ନଈ, ସାତ ଦାରିଆ ଡେଇଁ

ଛାଡ଼ି ଏହି ସୁନାର ଭାରତ ଭୁଇଁ 

ନିଜ ଦେଶ, ଆମକୁ ସ୍ବାଧୀନତା ଦେଇ ?

ସୂର୍ୟ୍ଯାସ୍ତର ସୌଦାଗର ଫେରି ନ ଥିଲେ

ଲୁଟି ଥିଲେ ଛଦ୍ମବେଶର ମୁଖା ପିନ୍ଧି

ଲୁଟୁଛନ୍ତି ଆମଠୁ ଆମର ଲୁଣ ଆଉ ରୁଟି

ଶସ୍ୟ-ଶ୍ୟାମଳା - ପବିତ୍ର ସୁନାର ମାଟି ।

ଦେଉଛନ୍ତି, ହିଂସା-ବ୍ୟଭିଚାର- 

ବର୍ବରତା-ଦୁର୍ନୀତି-ଦୁଃଦିନର ଭେଟି

ଭରୁଛନ୍ତି ନିଜର ଅଦୃଶ୍ୟ ଗୁପ୍ତ ପେଟି ।


ସ୍ୱାଧୀନତାର ପ୍ରକୃତ ମୂଲ୍ୟବୋଧ 

କେବେଠାରୁ ହେଲାଣି ସେମାନଙ୍କଠି ଲୁପ୍ତ

କାରଣ, ସେ ସୌଦାଗର ଚାହେଁ ନାହିଁ

କେବେ ହେଉ ତା' ସୌଭାଗ୍ୟର ସୂର୍ୟ୍ଯାସ୍ତ ।


କେହି ନାହିଁ ଆଗ ପରି କହିବାକୁ,

ଚାଲ ଯିବା ସାବରମୋତିରୁ ପୁର ପଲ୍ଲୀ

ପୁଣି ଲଙ୍ଘିବାକୁ ଦାଣ୍ଡିରୁ ରାସ୍ତା, ସୁଦୂର ଦିଲ୍ଲୀ 

ନାହିଁ ବିଦେଶରୁ ଆଜି ନାରା,

"ଚାଲୋ ଦିଲ୍ଲୀ, ଚାଲୋ ଦିଲ୍ଲୀ" ।


କେହି ନାହିଁ ଆଗ ପରି କହିବାକୁ,

ରକ୍ତ ଦେଇ ସ୍ବାଧୀନତା କିଣିବା

ଇଟାର ଜବାବ୍ ପଥରରେ ଦେବା 

ସ୍ବାଧୀନତା ମୋ ଜନ୍ମ ସିଦ୍ଧା ଅଧିକାର

ଏ ଦେଶ- ଏ ମାଟି, ମାଆ ଯେ ମୋର ।


ସ୍ୱାଧୀନ୍ ଗୋଲାମୀ ଜୀବନ 

ଅତିଶୟ ଭାରିଭାରି ଲାଗୁଛି,

ସ୍ୱପ୍ନର ସ୍ବାଧୀନତା କ'ଣ

ପ୍ରକୃତରେ ଭାରତକୁ ମିଳିଛି ?


ଶକୁନୀର ମସ୍ତକଟି ରାଜ୍ୟ ଶାସନ ଆଶେ 

ଶ୍ୟାମ୍-ଦାମ୍-ଦଣ୍ଡ-ଭେଦର, ପଶା ଫାସେ 

ପାଇବାକୁ ଶାସନ ଗଦି ପ୍ରତି ପାଞ୍ଚ ବର୍ଷେ

ଜନତାଙ୍କ ଜୀବନ, ବିକାଶ ସମୃଦ୍ଧିର

ଅଙ୍କ ରାଜନେତା କଶେ ।


ପୁଣି ଉଦୟ ହେବ ଆଉ ଏକ ସୂର୍ଯ୍ୟ

ପାଞ୍ଚ ବର୍ଷର ଏହି ଉଦୟ ଅସ୍ତ ଭିତରେ

ବଦଳିବ ତା' ରଙ୍ଗ-ଢଙ୍ଗ-ନୀତି-ନିୟମ

ବଦଳିବ ତା' ଆଚରଣ -ବିଚରଣ

କିନ୍ତୁ ବଦଳିବ ନାହିଁ 

ଅସହ୍ୟ- ଦୁର୍ନୀତିର ଘନ କୃଷ୍ଣ ।


କଳ୍ପନାର ରାମରାଜ୍ୟ ପାଇଁ

ଆଗକୁ ଅଛି ଆଉ କେତେ ବାଟ 

ପୁଣି ସହିବାକୁ ହେବ କେତେ ଛାଟ, 

ଲୋଡ଼ା ପୁଣି କେତେ ବଳିଦାନ 

ଆଉ କେତେ ଜନ-ଜୀବନ ।


Rate this content
Log in

More oriya poem from Kali Kumar

Similar oriya poem from Abstract