ପରେ କହିବି :୦୩

ମୋ ଜୀବନରେ

ତୁମର ଅଚାନକ୍ ଅନୁପ୍ରବେଶ ପରେ

ମୁଁ ଅର୍ଜନ କରି ନେଲି

ତୁମ ସାନିଧ୍ୟ, କରୁଣା, ପ୍ରେମ,ପ୍ରୀତି ପ୍ରଣୟ ।

ଆଉ ତୁମେ ?

ତୁମେ କହିଲ, " ଆଗ କଥା ସବୁ, କହିବି ପରେ" ।

ସେତେବେଳେ ଅକସ୍ମାତ୍ , 

ହୃଦୟରେ ମୃଦୁ ଭୂମିକମ୍ପଟିଏ ସୃଷ୍ଟି ହୁଏ

ନିରବଚ୍ଛିନ୍ନ ଆବେଗର ସ୍ରୋତ ବାଧାପ୍ରାପ୍ତ ହୁଏ

ତା' ପରେ, ସମ୍ଭାବନାର ସ୍ଥୂଳତା

ଆଉ ଶରୀରର ସ୍ଥାଣୁତା, <

Advertisement

/p>

ଦୁଇ ବିପରିତାମୁଖି ଅଭିଯାନ ଆରମ୍ଭ ହୁଏ,

ଭାବନାର ସ୍ଫୁରଣ ସେଇଠି ସରେ

ସେଇ କେଇ ମୁହୂର୍ତ୍ତରେ, ଅଗଣିତ ଥର

ମୁଁ ଛିଡ଼ା ହୁଏ ମୃତ୍ୟୁର ଦ୍ୱାରେ

ଯେତେବେଳେ ତୁମେ କହିଦିଅ, 

" ଆଗ କଥା ସବୁ, କହିବି ପରେ" 

ତା'ପରେ, 

ଅସହାୟ, ନିଃସହାୟ ଶୁଷ୍କ ତୃଣଟେ ପରି 

ମୁଁ ଭାସିଯାଏ ସମୟର ସୁଅରେ,

ଯେତେବେଳେ ତୁମେ କହିଦିଅ, 

" ଆଗ କଥା ସବୁ, କହିବି ପରେ"