ମୁକ୍ତି
ମୁକ୍ତି
ଯାଆ ମୋ ହାତ ପାପୁଲିରୁ
ତୋତେ ମୁକ୍ତି ଦେଲି
ମୋ ସ୍ନେହର ବାହୁ ଵଳୟ ରୁ
ତୋତେ ଅପସାରଣ କଲି
ଯାଆ ମନ ଇଚ୍ଛା ଵୁଲି ଆ
ଯୋଉଠି କୁ ଯିବାର ଅଛି
ଅବାଧ ରେ ଯାଆ
ତୋତେ ବାରଣ କରିଵାର
ସବୁ ରାସ୍ତାକୁ ଅବରୋଧ କଲି
ବାହାର ଦୁନିଆକୁ ଦେଖିବୁ ବୋଲି
ବିକଳ ହଉଥିଲୁ ପରା
ଯାଆ ତୋତେ ଛାଡିଲି ତୋ
ନିଜ ଦାୟିତ୍ୱରେ
ହେଲେ ଏତିକି ମନେ ରଖ!
ଯେବେ ବୁଲି ବୁଲି ଥକ୍କି ଯିବୁ
ମୋର ଏଇ ହାତ ପାପୁଲି କୁ
ନିର୍ଦ୍ଵନ୍ଦରେ ଫେରି ଆସି ପାରିବୁ
ଯେବେ ତୁ ଇଚ୍ଛା କରିବୁ
କିଛି ବି ବାଧା ବିଘ୍ନ ନାହିଁ
ଏଇ ହାତ ପାପୁଲି ରେ ତୋତେ
ପୁଣି ଥରେ ଧରି ରଖିବାର
ଯଥେଷ୍ଟ ସାମର୍ଥ୍ୟ ରହିଛି
ଯେମିତି ସେତକ
ଭୂଲି ନ ଯାଉ?