ତାରା ମାନେ ସବୁ ଶୋଇଗଲା ପରେ

ତାରା ମାନେ ସବୁ ଶୋଇଗଲା ପରେ

ନୀଳ ଆକାଶ ବୁକୁରେ

ଅନ୍ଧକାର ଯାଏ ଅପସରି

ଦିଗବଳୟ ଫାଟିପଡ଼େ

ରକ୍ତିମ ଆଭାରେ ।

ରାତି ସାରା ଉଜାଗର ଅସଂଖ୍ୟ କଳିକା

ସ୍ବପ୍ନ ଜୁଡ଼ୁ ବୁଡ଼ୁ ଶିଶିର ଶଯ୍ୟାରୁ

ପତର ଓଢଣୀ ତୋଳି

ସୂର୍ଯ୍ୟସ୍ନାତେ ହୁଅନ୍ତି ବିଭୋର

ରଙ୍ଗ ବେରଙ୍ଗର ପାଖୁଡ଼ା ମେଲାଇ।

ଆଉ କିଛି ବିବସ ରାତ୍ରିର ମହକ

ପ୍ରୀତି ବାଣ୍ଟି ସାଜି ଆଭୂଷଣ

ଅଭିମାନେ ବିନା ପ୍ରତିବାଦେ

ଚନ୍ଦ୍ରମାକୁ ଝୁରି ଝୁରି

ମଉଳି ଯାଆନ୍ତି ନିଦାଘ କିରଣେ ।