ଭୟ

ପୁତ୍ରମୋହେ ଧୃତରାଷ୍ଟ୍ର ରାଜଧର୍ମ ପରିହିତ

"ଦୁର୍ବଳତା" ହସ୍ତିନା ସିଂହାସନ,

ବିନା ଯୁଦ୍ଧେ ଦେବ ନାହିଁ ସୂଚ୍ୟଗ୍ର ମେଦିନୀ

ମହାମାନି କିନ୍ତୁ ଆଶଙ୍କାରେ ଜର୍ଜରିତ

ଶ୍ରୀକୃଷ୍ଣଙ୍କ ଦୁର୍ବଳତା ପାଣ୍ଡଵ ଶିବିର

ଅଙ୍ଗୀକାରବଦ୍ଧ ପରାକ୍ରମୀ ଭୀଷ୍ମ

ବିଧର୍ମୀ ଗହଣେ ନେବେନାହିଁ କୌରବ ପକ୍ଷ !

କୁନ୍ତୀଲଜ୍ଜା ସୂର୍ଯ୍ୟପୁତ୍ର କର୍ଣ୍ଣ ଉପେକ୍ଷିତ

ଲୋକ ଅପବାଦ ଅବିଚାର ସରବ୍ୟ ସେ

ପରିକର ସହୋଦରେ ନେବ ପ୍ରତିଶୋଧ,

ଜାତି ବର୍ଣ୍ଣ ତାଡ଼ନାରେ ଅଗଣିତ ଲାଂଛିତ 

କିଏ ଜାଣେ କେତେ ଯୋଦ୍ଧା ଜ୍ଞାନୀ ଅଭିମାନି

ବ୍ୟଭିଚାରୀ ଦୁର୍ଯ୍ୟୋଧନ ସପକ୍ଷରେ ଉଭା !

ଦୁର୍ବଳତା ଯେବେ ଶିଖରରେ, ଭୟ ସାମର୍ଥ୍ୟରେ

ସବୁ କପଟ ପଶାର ପରାଭବ ପ୍ରଚ୍ଛନ୍ନ କର୍ମରେ।