ଦିନଚର୍ଯ୍ୟା
ଦିନଚର୍ଯ୍ୟା
ଦିନଚର୍ଯ୍ୟା ହେଲା ଗୃହରେ ରହିବା
ବାହାରକୁ ଯିବା ମନା
କରୋନା ରାକ୍ଷସ ପ୍ରଚଣ୍ଡ ହୋଇଲା
ଅଦୃଶ୍ୟ ରୋଗ ହିଁ ସିନା ।
ଘରେ ରହି ରହି ବିଭିନ୍ନ ଚିନ୍ତାରେ
ଚିନ୍ତିତ ମନହିଁ ହେଲା
କବିର କଳ୍ପନା ସାର୍ଥକ ହୋଇଲା
କଳ୍ପନା ସମୟ ଦେଲା ।
ଡିଜିଟାଲ ସାଧନ ଅମୂଲ୍ୟ ହୋଇଲା
ସବୁ ଡିଜିଟାଲ ହେଲା
ଡିଜିଟାଲ ମନ୍ତ୍ର ସାକାର ହୋଇଲା
ଅଦୃଶ୍ୟ ରୋଗ ହିଁ ଦେଲା ।
ପଠନ ପାଠନ ଡିଜିଟାଲ ହେଲା
ଛାତ୍ରଛାତ୍ରୀ ଉତ୍ସାହିତ
ଡିଜିଟାଲ ଦ୍ବାରା ପଠନ କରନ୍ତି
ହୁଅନ୍ତି ସେ ଆନନ୍ଦିତ ।
ଜନ ସହଯୋଗ ବିଶ୍ବର ଭିତରେ
ଅଦୃଶ୍ୟ ରୋଗ ଆଣିଲା
ହେଉଛି ସାହାଯ୍ୟ ଦେଶ ଦେଶ ମଧ୍ୟେ
କରୋନା ରୋଗ ହିଁ ଦେଲା ।
ଏକତାର ମନ୍ତ୍ର ଶୁଭାରମ୍ଭ ହେଲା
ଏକତ୍ରିତ ମନ୍ତ୍ର ଏବେ
ଯନ୍ତ୍ରଣା ସଙ୍ଗରେ ଗୌରବ ଆଣିଲା
ସଙ୍ଗଠିତ ବିଶ୍ବ ଏବେ ।
ପ୍ରଭୁଙ୍କର ଭକ୍ତି ଅପାର ହୋଇଲା
ନିତି ପ୍ରତିଦିନ ଦେଶେ
ଆଶିର୍ବାଦ ତାଙ୍କ ଦେଶରେ ପଡ଼ିଲା
ନିରୋଗୀ ହୁଅନ୍ତି ଦେଶେ ।
ଦିନଚର୍ଯ୍ୟା ହେଲା ଗୃହରେ ରହିବା
ବାହାରକୁ ଯିବା ମନା
କରୋନା ରାକ୍ଷସ ପ୍ରଚଣ୍ଡ ହୋଇଲା
ଅଦୃଶ୍ୟ ରୋଗ ହିଁ ସିନା ।