ଆଜି ତୁମେ ଅନେକ ଦୂରେ

ଖୋଲା ଆକାଶରେ ତୁମେ ମୋତେ

ପାରିବ ଉଡାଇ

ତୁମ ଭାବନାର 

ଚିଠିଟିଏ ପରି

ମୋତେ କେଉଁ ଅଦୂର ରାଇଜକୁ।।

ହୃଦୟର ଖୋଲା ଚିଠିଟିକୁ 

ହଜାଇ ଦେବିନି

ମୁଁ ମୋ ଭାବନାର

ଝଡ ବତାସରେ

ଖୋଜିବାକୁ ସମୟ ନଥିବ

ଝଡ଼ର ନିସ୍ତବ୍ଧତା ପରେ।।

ତୁମେ ପରା ଶାନ୍ତ ହୃଦୟର

ପ୍ରତିଟି ମୂହୁର୍ତ୍ତକୁ ଚାହିଁ ବସିଥାଅ

କା‌ହିଁକି କେଜାଣି ମୋତେ ଏସବୁ

ଅବିଶ୍ବାସ ପରି ଲାଗେ ଯଦି

ତୁମେ ନ ଥାଅ ମୋ ମନର 

ପ୍ରତିଟି ପ୍ରାନ୍ତରେ..... ‌!!

ସବୁ କିଛି ଥାଇ ମଧ୍ୟ

ଲାଗେ ମୋତେ ଯେମିତି ମୁଁ

ଶୂନ୍ୟତାର କବଳରେ

ଯଦି ତୁମେ ନ ଥାଅ 

ମୋ ପାଖରେ

ଏସବୁ ମୁଁ ଭାବୁଥାଏ 

ବସି ବସି ତୁମକୁ ସ୍ମରଣ କରି

ସ୍ମୃତିର ବେଳାରେ....!!