Library
Profile
ଆମ ସ୍କୁଲ ସାର୍
ଆମ ସ୍କୁଲ ସାର୍
ଗାଁ ଠାରୁ ଦୂର ଆମ ସ୍କୁଲ ଘର
ସ୍କୁଲରେ ଥାଆନ୍ତି ସବୁ ଆମ ପ୍ରିୟ ସାର୍
ସନାସାରଙ୍କ ବେତମାଡ କଥା
ମନେ ପଡେ ଆମର ବାରମ୍ବାର
ଆମ ଅଝଟପଣକୁ ନିରେଖି ପରଖି
ଆକଟ ନିକଟ କରନ୍ତି ଆମକୁ
ଭାରି ଆଦର୍ଶବାଦି ସାରେ ଆମର
ବିଶ୍ବାସରେ ପାଠ ପଢାନ୍ତି ଏପରି
ସଫଳତା ସିଡି ଦିଶେ ଅତି ନିକଟର।
ଆମ ସାର୍ ମାନଙ୍କ ଆଶା ବିଶ୍ବାସରେ
ସ୍କୁଲ କାନ୍ଥ ବାଡ଼ ବି ହୁଅନ୍ତି ଆପଣାର
ଆଦର୍ଶ ଶିକ୍ଷକ ଆଦର୍ଶ ପଣରେ
ଆଦର୍ଶ ଅଟେ ମହତ୍ତ୍ଵ ତାଙ୍କର
ସଚ୍ଚୋଟ ପଣିଆର ଉଦାହରଣ ସିଏ
ଗଢନ୍ତି ଏଠାରେ ଦେଶ ଭବିଷ୍ୟତ।
ସରଳ ଉପାୟ କରି ପଢ଼ାନ୍ତି ବିଷୟପାଠ
ଗଣିତ, ଇତିହାସ, ଓଡ଼ିଆ , ହିନ୍ଦୀ ,ବିଜ୍ଞାନ
ସଂସ୍କୃତ,
ଭୁଗୋଳ ଓ ସାମାଜିକ ବିଜ୍ଞାନ
ଦିଅନ୍ତି ଶିକ୍ଷା ଜ୍ଞାନକୌଶଳ, ବୁଦ୍ଧି ବିବେକର
ତାଙ୍କରି ଆଦର୍ଶକୁ ପାଦୁକା କରିଣ
କରିଥାଉ ଆମେ ଜୀବନେ ଅନୁକରଣ
ଗୁରୁ ବ୍ରହ୍ମା ଗୁରୁ ଶ୍ରେଷ୍ଠ ଆମରି ସାର୍।
ସଫେଦ ଧୋତି ପଞ୍ଜାବୀ ସରଳ ଜୀବନ
ନିରପେକ୍ଷ, ସତ୍ୟବାଦୀ ଅଟନ୍ତି ସାର୍ ଆମର
ସମଭାବେ ଦିଅନ୍ତି ଶିକ୍ଷା ସଭିଙ୍କ ଜୀବନେ
ସମୟାନୁବର୍ତ୍ତୀ, ଉଦାରତା ଥାଏ ତାଙ୍କ ସ୍ପନ୍ଦନେ
ଶିକ୍ଷକ ଆମ ଦେଶର ଦୁର୍ଲଭ ସମ୍ପତ୍ତି
ବିଦ୍ୟା ମନ୍ଦିରେ ଅଟନ୍ତି ପୁଜାରୀ
ଅନ୍ଧାର ଦୁରେଇ ଆଲୋକ ଦିଅନ୍ତି
କେତେ ତାଙ୍କଠାରୁ ଶିକ୍ଷା ଲାଭ କରି
ଦେଶ ବିଦେଶ ରେ ସୁନାମ ଯାଇଛି ଭରି
ତାଙ୍କ ବିଶ୍ବାସ, ଶ୍ରମକୁ ମିଳିଲେ ସମ୍ମାନ
ଦେଶର ଭବିଷ୍ୟତେ ହୋଇବ ଉନ୍ନତି।
