କରୋନା ଆସିଛି
କରୋନା ଆସିଛି
କରୋନା ଆସିଛି ଥଣ୍ଡା କାଶ ନେଇ
ଯାଇଛି ସର୍ବତ୍ର ଛାଇ
ଭୂତାଣୁ ତାହାର ବୋଲ ମାନୁ ନାହିଁ
ଔଷଧ ବି ମିଳେ କାହିଁ ।
ଲୋକେ ଭୟଭୀତ ଧୋଇଧୋଇ ହାତ
ବୁଝା ପଡୁ ନାହିଁ କିଛି
ମରଣ ଯେମିତି ପ୍ରଳୟ ପରିକା
ଦୂଆର ମୁହଁରେ ଜଗିଛି ।
ବିଦେଶରୁ ଆସି ଆମ ଦେଶେ ପଶି
ଉତ୍ପାତ କରୁଛି ଏତେ
ସଙ୍ଗରୋଧ କରି ସବୁକୁ ରଖିଛି
ଧନୀ କି ଗରୀବ ଯେତେ ।
ଅର୍ଥ ବ୍ୟବସ୍ଥା ବି ଭାଙ୍ଗି ପଡ଼ିଲାଣି
ତ୍ରାହି ତ୍ରାହି ସବୁଆଡେ
ମଣିଷକୁ ଦେଖି ମଣିଷ ଛାନିଆଁ
ମୃତ୍ୟୁ ଭୟ ଭାରି ମାଡେ ।
ସବୁରି ମୁହଁରେ ମୁଖା ବନ୍ଧା ଏବେ
ଘାରିଛି କରୋନା ଭୟ
ମାନିଲ ତ ଭଲ ନମାନିଲେ ମଲ
ପୃଥିବୀଟା ବିଷମୟ .....।