ନବରାତ୍ରୀ
ନବରାତ୍ରୀ
ଧରାପୃଷ୍ଠେ ଆସ ଅବତରି ମାଆ
ଦୂର୍ଗା ଦୂର୍ଗତିନାଶିନୀ
ସକଳ ଆଶାର ତମେ ସମ୍ଭାବନା
ତୁମେ ମହିଷାମର୍ଦ୍ଦିନୀ ।
ତୁମରି କରୁଣା ଶେଫାଳୀର ବାସ୍ନା
କୋଣେ ଅନୁକୋଣେ ଭରା
ତଥାପି ଜଗତ କାହିଁ କମ୍ପି ଉଠେ
ଥରେ ଏ ସଂସାର ସାରା ।
ତୁମେ କାତ୍ୟାୟନୀ ଜାଣିଛି ସଂସାର
ତପସ୍ଵିନୀ ସମ ତେଜ
ତୁମରି ପାଇଁ ତ ଏ ସାରା ଜଗତେ
ନବରାତ୍ରର ଏ ସଜ ।
ତୁମେ ଶୈଳପୁତ୍ରୀ ବିଘ୍ନବିନାଶିନୀ
ଶକ୍ତି ପ୍ରଦାୟନୀ ମାଆ
ଜୀବନ ପ୍ରାଙ୍ଗଣେ ଆବିର୍ଭୁତି ହୋଇ
ବିପଦେ ହୁଅ ମା ସାହା ।