ମନେପଡେ ହୃଦୟର ଗୀତ
ମନେପଡେ ହୃଦୟର ଗୀତ
ହୃଦୟର ଗୀତ ଆଜି କାହିଁ ଲାଗେ
ଅଜଣା ଅଶୁଣା ଏତେ
ଭଲ ତମେ ସାଥି ପାଉ ଥିଲ ଯଦି
କେମିତି ଭୁଲିଲ ମୋତେ ।
କୋଉ ସହରରେ ରହୁ ଅଛ ତମେ
ଠିକଣା ମୁଁ ଜାଣେ ନାହିଁ
ହେଲେ ତମେ ପରା ସବୁ ଜାଣି ଶୁଣି
ରହିଛ ଅଜଣା ହୋଇ ।
ପ୍ରୀତିର ମୂରୁଜ ବୁଣି ଦେଇ ସାଥି
ହଜିଲ ଗୋଧୂଳି ଧାରେ
ଅନନ୍ତ ଆକାଶେ ବିଭାବରୀ ସାଜି
ନୀତି ମୁଁ ତମକୁ ଝୁରେ ।
ଜହ୍ନ ରାତି ଏବେ ଧ୍ୱସ୍ତ ବିଧ୍ବସ୍ତ ମୋ
ଫଗୁଣ ଯାଇଛି ଫେରି
ଅମା ଅନ୍ଧକାରେ ନିଶି ସବୁ ବିତେ
ତମ ସେ ସ୍ମୃତିକୁ ଧରି ।
ମୈ।ନାବତୀ ତମେ ମଉନ କାହିଁକି
ତମ କି ହୃଦୟ ନାହିଁ
ଅଭିମାନ କଲେ କୁହୁଡିର ବନେ
ସୂରୁଜ କି ଉଏଁ କାହିଁ ।
ବିଗତ ରାତିର ଧୂଆଁରେ ପହଁରି
ଖୁସି ପାଇଛି କି କେହି
ଭୁଲି ଯାଅ ତମେ ପୁରୁଣା କଥାକୁ
ହସି ଥରେ ଦିଅ ଚାହିଁ ।
ହୃଦୟର ଗୀତ ଆଜି କାହିଁ ଲାଗେ
ଅଜଣା ଅଶୁଣା ଏତେ
ଭଲ ତମେ ସାଥି ପାଉ ଥିଲ ଯଦି
କେମିତି ଭୁଲିଲା ମୋତେ ।