ମନେପଡେସାଥିଟିଏ ତମ ପରି
ମନେପଡେସାଥିଟିଏ ତମ ପରି
1 min
143
ତୁମେ ଯେଉଁ ଦିନ ପ୍ରଥମ ଦେଖାରେ
ଆପଣାର କଲ ମୋତେ
ମନ ମରୁବୁକେ ଭରା ନିଦାଘ ରେ
ବର୍ଷି ଗଲା ମେଘ ସତେ ।
ଅନେକ ଦିନରୁ ଏଇ ମୋ ଜୀବନ
ହୋଇ ଥିଲା ସାଥି ହୀନ
ତମେ ଆସିଗଲ ମୋ ଦୁନିଆରେ ତ
ପୁରା ହେଲା ସବୁ ସ୍ବପ୍ନ ।
ବିଗତ ଦିନରେ ଏଇ ମୋ ମନରେ
ନଥିଲା ପ୍ରୀତିର ତାତି
ତମେ ମହକିଲ ମହ ମହ ଯେବେ
ପାହିଲା ଅନ୍ଧାର ରାତି ।
ହୋଇ ଗଲ ତମେ ଅମା ଅନ୍ଧକାରେ
ମୋ ଲାଗି ପୂନେଇଁ ଜହ୍ନ
ପ୍ରୀତି ଅନୁରାଗେ ବାନ୍ଧି ଦେଇ ପୁଣି
ଚୋରି କଲ ମୋର ମନ।