ଆସିଛି ପାର୍ବଣ
ଆସିଛି ପାର୍ବଣ
ପାର୍ବଣ ଆସିଛି ପବିତ୍ର ମହୀରେ
ଶରତର ଆଗମନେ
ଅବତରି ଆସ ହେ ମା ଦଶଭୂଜା
ସୁନ୍ଦର ଏଇ ଭୂବନେ
ଭୂମିରୁ ଅମ୍ବର ରୋଷଣୀ ସର୍ବତ୍ର
ଭାବେ ଭରିଅଛି ଭକ୍ତି
ସବୁ ବାଧା ବିଘ୍ନ କରି ଦିଅ ଦୂର
ମନେ ଦେଇ ତୁମ ଶକ୍ତି
ପଲ୍ଲବିତ ହେଉ ମନ ତରୁ ଡାଳ
ଭକ୍ତିରେ ତୁମର ଭିଜି
ଏ ଜୀବନ କଟୁ ତୁମରି ସେବାରେ
ତୁମ ପାଦେ ଯାଉ ହଜି
ଦୂର୍ଗତିନାଶିନୀ ଶକ୍ତି ପ୍ରଦାୟିନୀ
ମହିଷାମର୍ଦ୍ଦିନୀ ମାଆ
ସକଳ ଆଶାରେ ଜଗତ ଚାହିଁଛି
ପାଇବାକୁ ତୁମ ଛୁଆଁ
କୃପାକର ମାଆ ଆବିର୍ଭୂତା ହୋଇ
ଏ ମର୍ତ୍ତ୍ୟଭୂବନେ ଏବେ
ସକଳ ଆଶାର ସମ୍ଭାବନା ସାଜି
ପ୍ରେମ ପ୍ରୀତିର ଏ ଭବେ ...!!