ମାଆ ଶକ୍ତି ସ୍ୱରୂପା

ଜୟ ମା ମାଣିକେଶ୍ବରୀ

   ମଙ୍ଗଳ କାରିଣୀ

କଳାହାଣ୍ଡି ଇଷ୍ଟ ଦେବୀ

   ଦୁଃଖ ନିବାରିଣୀ.

ତୁହି ମା କନକ ଦୁର୍ଗା

   ଚଣ୍ଡୀ କାତ୍ୟାୟିନୀ

ତୁହି କାଳୀ ମହାବଳୀ

   ଶାନ୍ତି ସ୍ୱରୂପିଣୀ.

ଅଶ୍ୱିନେ ମା ଦଶଭୁଜା

   ବସନ୍ତେ ବାସନ୍ତୀ

କି ବର୍ଣ୍ଣିବି ତୋର ଗୁଣ

   ମାଆ ଲୋ ହୈମବନ୍ତି.

ଉତ୍ତର ଦିଗେ ବୈଷ୍ଣବୀ

   ପଶ୍ଚିମେ ନର୍ଶମୀ

ପୂର୍ବରେ ବାରାହୀ ଦେବୀ

   ଛୀର୍ଣ୍ଣମସ୍ତା ନାମ୍ନୀ.

ମହା ନବମୀ ତିଥିରେ

  ହୁଏ ଛତ୍ରଯାତ୍ରା

ଘଣ୍ଟା ଘୁମୁରା ନିଶାନ

   ଦୀପ ଧୂପ ଭରା.

କାହିଁ କେତେ ଦୂରୁ ଭକ୍ତ

   ଆସେ ପାଶେ ଧାଇଁ

ତୋ ଆଶିଷ କରୁଣାରୁ

   କଣିଚାଏ ପାଇଁ.

ଆସ ମାଆ ହୃଦ ମନ୍ଦିରେ

   ଅଭୟ ବରଦା

ଚରଣେ ଶରଣ ଗଲି

  ରଖ ଜଗଦମ୍ବା.