ହେ ମା'ମହିଷାମର୍ଦ୍ଦିନୀ

ହେ ମା' ମହିଷାମର୍ଦ୍ଦିନୀ

ଯଦି ତୁମେ ମହିଷାଶୁରକୁ ବଦ୍ଧ କରି

ମହିଷାଶୁର ମର୍ଦ୍ଦିନୀ ହୋଇ ପାରିଲ ।

ତେବେ ଡେରିକର ନାହିଁ ମାତା

ଅଧର୍ମର ଉହାଡ଼ରେ ଲୁଚିଥିବା ଧର୍ମକୁ

ମିଥ୍ୟାର କାଳିମାରେ ସତ୍ୟକୁ

କଳ୍ମଷର ରଙ୍ଗରେ ରଙ୍ଗେଇ ହୋଇଥିବା

ପୂଣ୍ୟକୁ ଆଣି ଉପବେଷନ କରାଅ ଥରେ ।

ଓହ୍ଲେଇ ଆସ ଆସ୍ଥାନରୁ

ଏ ଯୁଗରେ ଶହ ଶହ ଅସୁରଙ୍କର

ଜନ୍ମ ହୋଇ ସାରିଛି 

ରକ୍ତବିର୍ଜ ପରି....।

ନିପାତ କରି ଦିଅ ଖଡ୍ଗରେ

ଚେତେଇଦିଅ ଥରେ

ତୁମ ପ୍ରତି ଥିବା ଆବିଳତା ପୂର୍ଣ୍ଣ

ମନୋଭାବରେ ଭରିଥିବା ଭକ୍ତିର

ଶେଷ ପରିଣତି।

ବୁଝାଇଦିଅ ମାତା ତୁମେ ଏ ସମାଜକୁ

ତୁମ ଗଳାରେ ଫୁଲମାଳ ସଜେଇବା ଆଗରୁ

ସଜେଇ ସତେଜ ରଖୁ 

କୁନିକୁନି ଅଜ୍ଞାନି ଫୁଲକଢ଼ି ମାନଙ୍କୁ

ଯାହାକୁ ଦଳି ଦିଆଯାଏ..

ମା' ଗର୍ଭରେ ଅବା ଦେହଲୋଭୀ 

ରାକ୍ଷାସଙ୍କ ଆକାଂକ୍ଷାର ପରିତୃପ୍ତିରେ ।

ହେ ମା ବୁଝାଇ ଦିଅ ଥରେ

ତୁମ ଆଗରେ ଘୃତ ଅଗ୍ନି ଜାଳିବା ଆଗରୁ

ପୂର୍ଣ୍ଣଛେଦ ଦିଆଯାଉ..

ସେ ଅଦିନ ମୃତ୍ୟୁର ଆଗମନକୁ

ଯିଏ ତିଳ ତିଳ ଯନ୍ତ୍ରଣାକୁ ସହି

ଜଳି ଯାଉଛି ଯୌତୁକର ନିଆଁରେ ।

ହେ ମା ଥରୁଟିଏ ହେଲେ ହେଉ

ଶିଖେଇଦିଅ ଏ ସମାଜକୁ

ତୁମକୁ ଅଜାଡ଼ି ଦେଉଥିବାରୁ

ସମ୍ମାନରୁ କାଣିଚାଏ ଯଦି

ଦିଆ ହୁଅନ୍ତା ସଂସାରର ମା' ଜାତିକୁ

ହୁଏତ ବାସହରା ହେବାରୁ ବଞ୍ଚିତ

ହୋଇ ଯାଆନ୍ତା କିଛି ବାର୍ଦ୍ଧକ୍ୟତା ।

ହେ ମା ମହିଷାମର୍ଦ୍ଦିନୀ

ଆବିର୍ଭାବ ହୁଅ ଥରେ

ବାହାରି ଆସ ସେ ମାଟିର କଳେବରରୁ

କରିଦିଅ ପାପୀଙ୍କ ତାରଣ

ହେଇ ଉଠୁ ଏ ଧରାରେ

ଧର୍ମର ପ୍ରତିଷ୍ଠାପନ।