Hurry up! before its gone. Grab the BESTSELLERS now.
Hurry up! before its gone. Grab the BESTSELLERS now.

Tapaswini DashSarangi

Abstract Romance


3  

Tapaswini DashSarangi

Abstract Romance


ଏକ ତ୍ରିକୋଣୀୟ ପ୍ରେମ

ଏକ ତ୍ରିକୋଣୀୟ ପ୍ରେମ

1 min 205 1 min 205

ମୋତେ ଯେବେ ତୁମେ ପଚାର

ଲେଖନୀକୁ ଧରିଲେ ମୁଁ ହଜିଯାଏ କାହିଁକି ?

ତୁମକୁ ଭୁଲିଯାଏ କେମିତି ?

ହଁ ! ମୁଁ ବି ଟିକିଏ ହସି 

ତୁମ ପ୍ରଶ୍ନକୁ ଅଣଶୁଣା କରେ ।


ଆଜି କହୁଛି ଶୁଣ

ତୁମେ ନୀଳ ଆକାଶର ସ୍ଵପ୍ନ ଦେଖାଅ

ହେଲେ ଲେଖନୀ ମୋ ଦେହରେ

ଦୁଇ ପକ୍ଷକୁ ଯୋଡ଼ି

ଦୂରଦିଗନ୍ତରେ ମୁକ୍ତ ପକ୍ଷୀ କରି ଉଡି ବୁଲାଏ ।


ତୁମେ ତୁମ ପ୍ରେମରେ ମୋ ମନକୁ 

ମନେଇ ତୁମର ରଙ୍ଗରେ 

ଢଳେଇବାକୁ ପ୍ରୟାସ କର

ହେଲେ ଲେଖନୀ ମୋ ଭାବନାର ରଙ୍ଗରେ 

ନିଜକୁ ରଙ୍ଗେଇ କିଛି ସାଦା କାଗଜକୁ

ଏକ ନୂଆ ପରିଚୟ ଦିଏ ।


ତୁମେ ଆଙ୍କିଦିଅ ଅନୁରାଗର ଚୁମ୍ବନ

ଓ ଆଲିଙ୍ଗନ କରି ସୀମାବଦ୍ଧ କରିନିଅ

ତୁମର ବାହୁର ପରିବେଷ୍ଟନୀରେ

ହେଲେ ଲେଖନୀ ମୋତେ କୁହେ

ସଙ୍କୀର୍ଣ୍ଣତାକୁ ଭୁଲି ସ୍ଵାଧୀନ ଚେତା

ହୋଇ ସତ୍ୟତାକୁ ଆବୋରିବାକୁ ।


ତୁମ ପ୍ରେମ ଐକାନ୍ତିକ ଭଲପାଇବାରେ

ଆବୃତ୍ତ ଏକ ନିଚ୍ଛକ ସ୍ଵର୍ଗୀୟ ଅଭିବ୍ୟକ୍ତି

ଆଉ ଲେଖନୀର ପ୍ରେମ ଈଶ୍ଵରଦତ୍ତ

ଏକ ଅଭିନ୍ନ ଉପଲବ୍ଧି।


   


Rate this content
Log in

More oriya poem from Tapaswini DashSarangi

Similar oriya poem from Abstract