ଲାଇବ୍ରେରୀ
ପ୍ରୋଫାଇଲ୍
ନୂଆ ସକାଳର ଅପେକ୍ଷା
ନୂଆ ସକାଳର ଅପେକ୍ଷା
1 min
380
ନିର୍ବାସିତ ହେଉଥିଲେ ଅଭିମାନ କିଛି
କିଛି ବେନାମୀ ଅଭିଯୋଗ ଆଗରେ ।
ଅସ୍ତ ହେଉଥିଲେ କିଛି ଇଚ୍ଛା
ଅସ୍ତଗିରିର ଅଦେଖା ଉହାଡ଼ରେ ।
ଦଳି ହେଉଥିଲେ ବିଶ୍ବାସ କିଛି
ଛଳନାର ନିର୍ମମ ଚଲାପଥରେ ।
ବନ୍ଦୀ ହେଉଥିଲେ ଆତ୍ମୀୟତା କିଛି
ସ୍ଵାର୍ଥପର ସମ୍ପର୍କର କାରାଗାରରେ ।
ଏସବୁ ଭିତରେ ଅଦୃଶ୍ୟରେ
କେହିଜଣେ କହି ହେଉଥିଲା
ଅପେକ୍ଷା କର ଏକ ନୂଆ ସକାଳକୁ
ହୃଦୟ ବି ନିଜ ଅସ୍ଥିରତାକୁ
ଆୟତରେ ରଖି ଚାହିଁ ରହିଥିଲା
ପୂର୍ବ ଦିଗର ଦୂର ବିହାୟସକୁ !!
