ନମଃ ସ୍କନ୍ଧମାତା ହେ

ପବିତ୍ର  ପାର୍ବଣ  ଭକ୍ତି ଉମଙ୍ଗ

ମର୍ତ୍ତ୍ୟଧାମେ ଆଜି ପ୍ରୀତି ଉମଙ୍ଗ

ପଞ୍ଚମ ଦିନେ ମା ଦୁର୍ଗା ସ୍ବରୂପ

ନମଃ ସ୍କନ୍ଧମାତା ପୂଜନ ରୂପ 

    ଭକ୍ତି ରାବ ପରା

ଦେବୀଙ୍କ ମଣ୍ଡପ ରହିଛି ଭରା !

ମାତା କାର୍ତ୍ତିକେୟ ସ୍କନ୍ଧମାତାହେ

ଗର୍ଭ ଆସିନ ଟି ଦେବ ସ୍କନ୍ଧହେ

କମଳ  ଆସନେ  ବିରାଜମାନ

ପଦ୍ମାସନ ଦେବୀ ଶକ୍ତିଙ୍କ ନାମ

   ଗୌରୀ ମାହେଶ୍ୱରୀ

ପାର୍ବତୀ ଓ ଉମା ନାମ ତାଙ୍କରି !

ଚାରି ଭୁଜା ଶଭେ ସ୍କନ୍ଧମାତାରେ

ଏକ ହସ୍ତେ  ଧରି ଛନ୍ତି ସ୍କନ୍ଧରେ

କମଳ  ପୁଷ୍ପ  ଦୁଇଟି  ହସ୍ତରେ

ଅନ୍ୟହସ୍ତ ଟା କରୁଣା ମୁଦ୍ରାରେ

    ମନ୍ତ୍ର ଅହିଂସାର

ତାଙ୍କ ଆଶୀର୍ବାଦ ଦେଶ ହିତରେ।

କଲ୍ୟାଣ କରିବେ ଜୀବ ଜନ୍ତୁ କୁ

ଶକ୍ତି ଭରିବେ  ମାନବ  ଜାତିକୁ 

ଶାନ୍ତି ଆଣି ଦେବେ ବିଶ୍ବର ପାଇଁ 

କରିବେ ବିନାଶ  ଆତଂକ ତହିଁ 

    ସ୍କନ୍ଧମାତା ପରା

କରିବେ ସୁରକ୍ଷା ଭାରତ ସାରା।

କଲ୍ୟାଣମୟୀ କରିବେ କଲ୍ୟାଣ

ଗୌରବ ଗୁଞ୍ଜିବ ଦେଶର ଜାଣ

ଆବିଷ୍କାର ହେ  ବିଜ୍ଞାନ କରିବ

ଗୌରବର ଗାଥା ବିଶ୍ବେ ଲେଖିବ

     ବ୍ରହ୍ମାଣ୍ଡ ଗୁଞ୍ଜିବ 

ଶକ୍ତିରୂପାଙ୍କର  କରୁଣା  ଥିବ।