ଲାଇବ୍ରେରୀ
ପ୍ରୋଫାଇଲ୍
ସମୟ ସରୁଛି
ସମୟ ସରୁଛି
ସମୟ ସରୁଛି ଜୀବନ ହାରୁଛି
କଥା ରହିଯାଏ କେହିତ କହୁଛି
ବୁଝିପାରେ ନାହିଁ ଅମାନିଆଁ ମନ
ସତ କଥା ଏବେ କହି ମୁଁ ଦେଉଛି
ସମୟ ସରୁଛି
କେହି କେବେ କୁହେ ଜୀବନର କଥା
କେହି ପୁଣି ଅସରନ୍ତି ସପନର
ସମୟ କହୁଛି ରହିଯାଅ କ୍ଷଣେ
ଫେରିବାକୁ ମନ ତୁମ ନିକଟର
ଏଇତ ସଂସାର ବିଚାର ଚାଲିଛି
କିଏ ବଡ଼ କିଏ ସାନ ,କହିଥିଲା
ଅବା କହିପାର,ଜିତିଲା କିଏସେ
କିଏ ବା ହାରିଲା,ଏଠି ନିରନ୍ତର
ସମୟ ସରୁଛି
ଟାଣ ପଣ ସିନା କରିଛୁ ରେ ମନ
ବାନ୍ଧିକି ପାରିବୁ ସେ ସମୟ ଜାଣ
ଧନ ମାନ ଯଶ ଖ୍ୟାତି ସନମାନ
ସମୟ କହିବ କିଏ ସେ ମହାନ
ସରିଯାଏ ସମୟ ଲିଭି ଯାଏ ଜୀବନ
ସମୟ ବନ୍ଧୁବଡ଼ ବଳବାନ
ସମୟ ସରୁଛି
ଘୁରି ଘୁରି ଯାଏ ସମୟର ରେଖା
ଶୂନ ରୁ ଆରମ୍ଭ ରଚି ବକ୍ର ରେଖା
ଏକ ବିନ୍ଦୁ ସ୍ଥିର ନିର୍ଦ୍ଧିଷ୍ଟ ତା ଗୁଣେ
ସମୟ ବଳୟ ଜୀବନ ର ପଣେ
ସମୟ ସରୁଛି
ଏମିତି ସମୟ ମୋ ଜୀବନ ଲୟ
କାହାଣୀ ମୋ ଲେଖା ମନରେ ସଂଶୟ
ସରିଯାଉ ସପନ ସମୟ ସାଥିରେ
ଟେକ ରଖି ଭେକ ଯାଉ ମୋ ଜୀବନ
ହୃଦୟ ର ଏହି ନିବେଦନ
ସମୟ ସରୁଛି ଜୀବନ ହାରୁଛି
ସାକ୍ଷୀ ତୁମେ ବନ୍ଧୁ
ହେ ଚକା ନୟନ ।
