କହରେ କାଳିଆ
କହରେ କାଳିଆ
ଅତି ବିଚଳିତ ମନ ବୁଦ୍ଧି ଦିଶୁ ନାହିଁ
ବହୁଅଛି ଅଶ୍ରୁପୁଣି ଧାର ମାନେନାହିଁ
କାଳିଆ ଶୁଣରେ ।
ବହୁଦିନହେଲା ପ୍ରଭୁ ଦେଖିନି ମୁଁ ନେତ୍ରେ
କମ୍ପୁଅଛି ଦେହମୋର ରୋଗରଆକ୍ରାନ୍ତେ
ଚକାନୟନରେ ।
କି ହେଉଛି ମୋର ପ୍ରଭୁ କହି ପାରୁ ନାହିଁ
କେବଳ ଶ୍ରୀ ମୁଖ ନାଥ ଦେଖୁ ଅଛି ମୁହିଁ
ତୁ ସୃଷ୍ଟିକର୍ତ୍ତାରେ ।
ଯିବି ତୋର ଧାମେ ପ୍ରଭୁ ଭାବି ଥିଲି ମୁହିଁ
ବୃଦ୍ଧ ଏ ବୟସ ପ୍ରଭୁ ଶକ୍ତି ହେଲା ନାହିଁ
ଦୁଃଖିତ ମୁହିଁରେ ।
ଅଟୁ ତୁ ଆରାଧ୍ୟ ମୋର ହେ ଜଗା ଠାକୁର
ହୃଦେ ମୁଖେ ନାମ ତୋର ଗୁଞ୍ଜୁ ନିରନ୍ତର
ଅଛି ମାଗୁଣି ରେ ।
ଗୁଞ୍ଜୁ କୃଷ୍ଣ କୃଷ୍ଣ ନାମ ରାମ ରାମ ଗୁଞ୍ଜୁ
ଗୁଞ୍ଜୁ ଜଗାଜଗା ନାମ ହରେହରେ ଗୁଞ୍ଜୁ
ମୋହରି ଆଶାରେ ।
ଦେଖୁ ଥିବି ନେତ୍ରେ ମୁହିଁ ଜ୍ଞାନ ରହି ଥିବ
ଆତ୍ମା ତହିଁ ପ୍ରମାତ୍ମାରେ ମିଶ୍ରିତ ହୋଇବ
ଗୁହାରି ଏହୁରେ ।