ଭାରତବର୍ଷର ଅମୃତ କାଳ
ଭାରତବର୍ଷର ଅମୃତ କାଳ
ଗର୍ବିତ କରିଲ ତୁମେ ଭାରତ ବାସୀଙ୍କୁ
ଶାନ୍ତି ପଥ ଦେଲ ପୁଣି ବିଶ୍ବର ଜନଙ୍କୁ ।
ତୁମ ନେତୃତ୍ୱରେ ରାଷ୍ଟ୍ର ଉନ୍ନତି ପଥରେ
ସର୍ବୋଚ୍ଚ ସମ୍ମାନେ ବିଶ୍ବ ଅଳଙ୍କୃତ କରେ ।
ରାଷ୍ଟ୍ର ପାଇଁ ତୁମ ଚିନ୍ତା ଦେଖୁଛି ଜନତା
ଜନଜନ କଲ ପୁଣି ଆତ୍ମନିର୍ଭରତା ।
ଆବିଷ୍କାର ନୂଆ ନୂଆ ବିଜ୍ଞାନ କରୁଛି
ଚନ୍ଦ୍ରଯାନ ଚନ୍ଦ୍ରଲୋକେ ଯିବାର ଦେଖୁଛି ।
ସଫଳ ହେବ ଅବଶ୍ୟ ଦେଶର ବିଶ୍ବାସ
ଲେଖି ଦେବ ଚନ୍ଦ୍ରଲୋକେ ନୂଆ ଇତିହାସ ।
ବିଶ୍ବାସ ଅତି ବିଶ୍ବରେ ଭାରତ ବର୍ଷର
ମୋଦି ମୋଦି ଗୁଞ୍ଜୁ ଅଛି ଗୌରବ ଦେଶର ।
ଆଣି ଦେଲ ରାଷ୍ଟ୍ରେ ତୁମେ ଅମୃତର କାଳ
ସମଭାବ ସାହାଯ୍ୟର ମନ୍ତ୍ର ଧରାତଳ ।
ରାମଙ୍କ ଶାସନ ପରି ବ୍ୟବସ୍ଥା କରିଲ
ପ୍ରେମ ଶ୍ରଦ୍ଧା ପ୍ରୀତି ସେବା ଦେଶେ ଭରି ଦେଲ ।
ମାନ୍ୟତା ଦେଉଛି ବିଶ୍ବ ବିଶ୍ବଗୁରୁ ପରି
ଶାନ୍ତିର ମନ୍ତ୍ରକୁ ଦେଲ ବିଶ୍ବ ମଧ୍ୟେ ଭରି ।
ଧନ୍ୟ ହେ ମହାନାୟକ ଧନ୍ୟ କଲ ଦେଶ
ଗର୍ବିତ କରିଲ ତୁମେ ଏ ଭାରତ ବର୍ଷ ।
ଅଭିନନ୍ଦନ ଆମ ଇସ୍ରୋ ବୈଜ୍ଞାନିକଙ୍କୁ
ଆତ୍ମନିର୍ଭର ଟି ହୋଇ କରିଲେ କାର୍ଯ୍ୟକୁ ।