ಲೈಬ್ರರಿ
ಪ್ರೊಫೈಲ್
ମଧୁମତୀ
ମଧୁମତୀ
1 min
331
ତୁମେ ହିଁ ଶ୍ରାବଣ ତୁମେ ହିଁ ଫଗୁଣ
ପଉଷ କଅଁଳ ଖରା
ତୁମେ ପୀରତିର ଅମୃତ କଳସ
ଆନୁରକ୍ତା ପ୍ରୀତିଧାରା I
ତୁମ ଆଖିତଳେ ଦେଖିଛି କେତେ ମୁଁ
ଜୀବନର ପ୍ରତିରୂପ
କବରୀ ତୁମର ଘନ ଅନ୍ଧକାରେ
ପ୍ରଣୟର ରୂପକଳ୍ପ I
ତୁମରି ଆଖିରେ ଚନ୍ଦ୍ର ସୂର୍ଯ୍ୟ ନିତି
ହେଉଥାନ୍ତି ଆତଯାତ
ତୁମଦେହେ ସଖୀ ଫୁଟାଇଛି କେତେ
ପୀରତିର ପାରିଜାତ I
ମୁହଁସଞ୍ଜ ବେଳ ଜହ୍ନିଫୁଲ ତୁମେ
ଝରା ଶେଫାଳୀର ବାସ
ସ୍ୱପ୍ନ ବିଳାସୀ ଅନ୍ଧାର ରାତି ମୁଁ
ତୁମରି ଗଳାର ଶୋଷ I
