କୃଷ୍ମାଣ୍ଡା

ନମସ୍ତେ ନମସ୍ତେ ଆଗୋ ମାତ ଗୋ କୃଷ୍ମାଣ୍ଡା

ଆଦି ମାତା ଭାବେ ଭବେ ଲଭୁ ତୁହି ପୂଜା ।

ନବ ରାତ୍ରୀ ର ଚତୁର୍ଥ ଦିନରେ ତୋହର

ପୂଜା ଆରାଧନା କରି ଥାନ୍ତି ନାରୀ ନର ।

ସୃଷ୍ଟି କର୍ତ୍ରୀ ତୁହି ମାଲୋ ପାର୍ବଣ ଉତ୍ସବ

ପାଳନ ସମୟେ ହୋଇ ଥାଉ ଆର୍ବିଭାବ ।

ସୂର୍ଯ୍ୟ ମଣ୍ଡଳ ମଧ୍ଯ ରେ ନିବାସ ତୋହର

କାନ୍ତି, ଦୀପ୍ତି , ସୁସୁସମା ବିଭା ମନୋହର ।

ଅଷ୍ଟ ହାତେ ଅଷ୍ଟ ଆୟୁଧ ତୁ ଧରି ଥାଉ

ଧନ୍ୟ ଲୋ କୃଷ୍ମାଣ୍ଡା କେଡ଼େ ମନଲୋଭା ଦିଶୁ ।

ବାଘ ପୃଷ୍ଠେ ବିଜେ କରି ଲୀଳା କରି ବହୁ

ଭକତ ବିଶ୍ୱାସେ ନାନା ଫଳ ଯାଚି ଦେଉ ।

କମଣ୍ଡଲୁ , ଧନୁର୍ବାଣ , ଅମୃତ କଳସ

ଚକ୍ର , ଗଦା ,ପଦ୍ମ , ଶୋଭା ପାଏ ତୋର ହାତ ।

ସିଦ୍ଧି ,ନିଧି ପ୍ରଦାୟକ ଜପାମାଲା କରେ

ଧରି ଉଭା ହେଉ ବସି ସିଂହ ର ପୃଷ୍ଠ ରେ ।

ଦୁଃଖ ଶୋକ ତାପ , ଖେଦ କୋହ ଭାର ହରୁ

ଭକ୍ତ ଜନେ ସଦା ତୁ ଅଭୟ ଦନ କରୁ ।

ନମସ୍ତେ ନମସ୍ତେ ମାତ ନମସ୍ତେ କୃଷ୍ମ।ଣ୍ଡା

ନବ ରାତ୍ରୀ ଅବସରେ ଲଭୁ ତୁହି ପୂଜା ।