ମାଆ ତୋର ପାର୍ବଣେ

ମାଆ ତୋର ପାର୍ବଣେ

         କରୁଛି ମିନତି ମୁଁ ମୁଢମତି

ତୋ ଶ୍ରୀଚରଣେ..

      ଅନ୍ତରରୁ ଢାଳେ ମୋର ଭକତି

ରହି ଶରଣେ...

       ମାଆ ତୋର ପାର୍ବଣେ...।୦।

ମାଆ ତୁହି ମମତାର ସିନ୍ଧୁ

        ତୋ କରୁଣାର ମୁଁ ଏକ ବିନ୍ଦୁ,

ଜଗତକୁ ତୋ ପଣତେ ବାନ୍ଧୁ

      ସଦା ତୁ ସୁଧାଧାରା ଝରାଉ।୧।

ନାଶିଲୁ ପାପୀ ମହିଷାସୁର

       ସଂସାରକୁ କଲୁ ମା' ଉଦ୍ଧାର,

ଅଭୟଦାୟିନୀ ବ୍ରହ୍ମାଣ୍ଡର

   ତୋ କଲ୍ୟାଣେ ସୁର ବୀର ନର।୨।

ମାଆ ତୋର ପାର୍ବଣେ...

ଆଶ୍ଵନେ ଆସିଛୁ ଅବତରୀ

      ଆଶିଷ ଦେ ମାଆ କୃପା କରି,

ଜୀବନ ଜଞ୍ଜାଳେ ହୁଏ ଘାରି

       ଭବ ସାଗରରୁ କର ପାରି।୩।

ତୋ ପାଶେ ମାଆ ମୋ ଗୁହାରି

       ଜୀବନ ଯୁଦ୍ଧେ ଯିବି ନି ହାରି,

ମଙ୍ଗଳ କରୁଥିବି ସବୁରି

     ଆଶା ଦେ ସଭିଙ୍କ ପୂର୍ଣ୍ଣ କରି।୪।

ତୋର ପାର୍ବଣେ...