ଆସ ଆମେ ପଢ଼ିବା

ଆସ ଆମେ ପଢିବା

ଦେଶକୁ ଆମର ଗଢିବା

ନୂତନ ଭାରତର ଭବିଷ୍ୟତ ଆମେ

ଆସ ଆଜି ଏଇ ଶପଥ ନେବା

ଦେଶକୁ ଆମର ଗଢିବା।

ଆମେ ପାଠ ପଢିବା,

ଜ୍ଞାନର ଧନ ଅର୍ଜିବା,

ଉଚ୍ଚ,ନୀଚ୍ଚ ଭେଦ ଭାବ ଦୂର କରି,

ସୁସ୍ଥ ଭାରତ ଗଢିବା।

ଆସ ଆମେ ପଢିବା।।

ଆଗାମୀ କାଲିର ଡାକ୍ତର ଆମେ,

ପୋଲିସ୍, ବୈଜ୍ଞାନିକ, ଶିକ୍ଷକ ଆମେ

ସରକାରୀ କର୍ମଚାରୀ ବ୍ୟବସାୟୀ ଆମେ

ନିର୍ଲୋଭ ହୋଇ ଦେଶର ସେବା କରିବା।

ଆସ ଆଜି ସଭିଏଁ ଶପଥ ନେବା।

ଆମେ ସଚ୍ଚୋଟ ହୋଇବା,

ଅନ୍ୟାୟ ଅଧର୍ମ ପାପ ଅତ୍ୟାଚାରକୁ ରୋକିବା

ଜ୍ଞାନ, ଗରିମାରେ ସାରା ଦୁନିଆ ଜିଣିବା,

ଆସ ଆମେ ପଢିବା, ଦେଶକୁ ଆମର ଗଢିବା,

ଆଗାମୀ ଦିନରେ ଆମେ ସୁସ୍ଥ ଭାରତ ଗଢିବା।।

ଆସ ଆମେ ପଢିବା