କେମିତିକା ଭୂତାଣୁ ତୁ

କେମିତିକା ଭୂତାଣୁ ତୁ    

      କେଉଁଠୁ ଆସିଲୁ

 ଏ ସୁନ୍ଦର ପୃଥିବୀ କୁ

      ନର୍କ କରିଦେଲୁ ।

  

 କାଲି ଯେଉଁ ଘରେ ଥିଲା

      ଖୁସିର ଆସର

 ଦେଇ ଦେଲୁ ତାଙ୍କୁ ଆଜି

       ଦୁଃଖର ଭଣ୍ଡାର ।

 କାଳର କରାଳ ରୂପ

      ସାଜି ତୁ ଆସିଲୁ

 ବିନାଶର ଉଗ୍ର ରୂପ

      ଦେଖାଇ ତୁ ଦେଲୁ ।

   

 ପ୍ରଥମ ଦ୍ୱିତୀୟ ପରେ 

      ତୃତୀୟ ଲହରୀ

 ଯିବା କଥା କରନା ତୁ

    ‌  ଗଲୁକି ପାଶୋରି ।

 କାହାକୁ ଭସାଇ ଦେଲୁ

      କାଳର ସ୍ରୋତରେ

 କିଏ ପୁଣି ହସିଦେଇ 

      ତତେ ଥଟ୍ଟା କରେ ।

 ତୋର ଭୟାବହ ରୂପ

      ଜାଣିବ ଯେ ସେଇ

 ମେଡ଼ିକାଲ ଆଗରେ ଯେ

       ବସିବ ଟି ଯାଇ ।

   

  ସେଇଠାରେ ଶେଷ ହୁଏ,

        ଟଙ୍କାର ବଡିମା

ଡାକ ପଡ଼ିଥାଏ ଖାଲି

     ମଣିମା ମଣିମା ।

 

ଡାକ ଶୁଣ ପ୍ରଭୁ ଆହେ 

      ଜଗତର ନାଥ

ହାତେ ଧରି ନିଅ ଏବେ

      ଏ ସଂସାର ରଥ ।

  

ତୁମ ପୃଥିବୀ କି ଏବେ

      ତମେ ରକ୍ଷା କର

କରୋନାର ଏଇ କାଳ 

     କାୟାକୁ ବିନାଶ କର ।