ଲାଇବ୍ରେରୀ
ପ୍ରୋଫାଇଲ୍
ଲକଡାଉନ ଓ ଜୀବନ
ଲକଡାଉନ ଓ ଜୀବନ
ଗାଁ ରୁ ସହର ବଜାର ଠୁ ଘର
ପଡିଛି ଆଜିରେ ତାଲା
ହା ହତାସରେ ଡହଳ ବିକଳ
ହେଉଛନ୍ତି ଘର ଵାଲା
ଧନ୍ୟ ହେ ଉପର ବାଲା
କରୋନାକୁ ଆଣି ଏ ଗାଁ ଦାଣ୍ଡରେ
କାଇଁ କରୁ ଆଜି ଠିଆ ପାଲା
କରୋନାକୁ ଆଣି ଏ ଗାଁ ଦାଣ୍ଡରେ
କାଇଁ କରୁ ଆଜି ଠିଆ ପାଲା।।
କରୋନା ରଚିଲା ତାଣ୍ଡବ ଏଠି
ରଚିଲା ନୂଆ ନିୟମ
ଏ ଧରା ଧରଣୀ ଧନ୍ୟ ହୋଇଛି
ଦେଖି ତା ଅମୃତ ପ୍ରେମ
କେତେ ବୃକ୍ଷ ଏଠି ରକ୍ଷଣ ହୋଇଛି
ପ୍ରଦୂଷଣ ଆଜି କମ
ଯାନ ବାହାନରେ କିଏ ଯିବ ଚାଲି
ଦେଖାଇ ନିଜର ଦମ
ଯାନ ବାହାନରେ କିଏ ଯିଵ ଚାଲି
ଦେଖାଇ ନିଜର ଦମ।।
ଘରତ ଛାଡିଲ ବିଦେଶକୁ ଗଲ
ଦାଦନ ଖଟିବା ପାଇଁ
ଟଙ୍କା ପଇସାକୁ ଉପଭୋଗ କରି
ଜୀବନ କାଟିବା ପାଇଁ
କଣ ଖୁସିରେ ରହିବା ପାଇଁ
ଆଜି ସଭିଙ୍କୁ ଏକାଠି କରିବା ପାଇଁକି
କରୋନା ଆସିଛି ଧାଇଁ
ଆଜି ସଭିଙ୍କୁ ଏକାଠି କରିବା ପାଇଁକି
କରୋନା ଆସିଛି ଧାଇଁ।।
ଯିଏ ତ ତୁମର ଉପକାର କଲା
ତୁମେ କରିଲ ତାହାର କ୍ଷତି
ଧର୍ମର ରାଜ୍ୟରେ କରୋନା ପଶିକି
କରୁ ଅଛି ରାଜନୀତି।
ସତେକି ଅଭୟ ନୀତି
ପ୍ରକୃତି ସହିତ ଜୀବଜନ୍ତୁ ମିଶି
ପାଉଛନ୍ତି ଆଜି ଶାନ୍ତି
ପ୍ରକୃତି ସହିତ ଜୀବଜନ୍ତୁ ମିଶି
ପାଉଛନ୍ତି ଆଜି ଶାନ୍ତି।।
କରୋନା ଆସିଲା ରାଜନୀତି କଲା
ଆଣିଲା ଦେଶେ ସଂହତି
ତା ରାଜନୀତିରେ ପ୍ରତିଷ୍ଠିତ କଲା
ଭାରତୀୟଙ୍କ ସଂସ୍କୃତି
କଣ ବଦଳିଲା ଦେଶେ ନୀତି
ଏ ନୀତିକୁ ଯିଏ ଅମାନ୍ୟ କରିବ
ନିଶ୍ଚେ ହେବ ତାର କ୍ଷତି
ଏ ନୀତିକୁ ଯିଏ ଅମାନ୍ୟ କରିବ
ନିଶ୍ଚେ ହେବ ତାର କ୍ଷତି।।
